കൊല്ലം: ജോനകപ്പുറത്ത് ഉറങ്ങിക്കിടന്നവരുടെ ഇടയിലേക്ക് ബൈക്ക് പാഞ്ഞുകയറി. അപകടത്തിൽ ഒരാൾ മരിച്ചു. ഒൻപത് പേർക്ക് പരിക്കേറ്റു. ഇവരിൽ രണ്ട് പേരുടെ നില ഗുരുതരമാണ്. സംഭവത്തിൽ പ്രതിയായ പള്ളിത്തോട്ടം സ്വദേശി സിബിനെ പോലീസ് ക്‌സ്റ്റഡിയിൽ എടുത്തിട്ടുണ്ട്.
തമിഴ്നാട് കൊടമംഗലം സ്വദേശി പരശുരാമൻ (60) ആണ് മരിച്ചത്. ഇന്നലെ രാത്രിയോടെ ഹാർബർ റോഡിലായിരുന്നു സംഭവം. ഉറങ്ങിക്കിടക്കുകയായിരുന്ന ഇവരുടെ ഇടയിലേക്ക് സിബിൻ ബൈക്ക് ഓടിച്ച് കയറ്റുകയായിരുന്നു.
കൊല്ലപ്പെട്ട പരശുരാമൻ ദിവ്യാംഗൻ ആയിരുന്നു. പരശുരാമന്റെ തലയ്ക്ക് മുകളിലൂടെയായിരുന്നു ബൈക്ക് കയറി ഇറങ്ങിയത്. സംഭവ സ്ഥലത്തുതന്നെ ഇയാൾ മരിച്ചു. പരിക്കേറ്റവരെല്ലാം കൊടമംഗലം സ്വദേശികളാണ്. വീണ് സിബിനും പരിക്കുണ്ട്.
