പുതിയ പുതിയ റെക്കോർഡുകൾ സ്വന്തമാക്കി മുന്നേറുകയാണ് മഞ്ഞുമ്മൽ ബോയ്സ് . ചിത്രം തമിഴ്നാട്ടിൽ നേടിയത് മലയാളം ഇതുവരെ സ്വപ്നം പോലും കാണാതിരുന്ന തരം വിജയമാണ് . ഫെബ്രുവരി 22ന് തിയറ്ററുകളിലെത്തിയ ചിത്രം ഇപ്പോഴും തിയറ്റർ നിറഞ്ഞ് മുന്നേറുകയാണ്.
ഇപ്പോഴിതാ പുതിയ റിപ്പോർട്ടുകൾ പ്രകാരം മഞ്ഞുമ്മൽ ബോയ്സ് ഒരു പുതിയ ബോക്സ് ഓഫീസ് റെക്കോർഡ് കൂടി സൃഷ്ടിച്ചിട്ടുണ്ട്. വിദേശ മാർക്കറ്റുകളിൽ നിന്ന് ഒരു മലയാള ചിത്രം നേടുന്ന ഏറ്റവും മികച്ച കളക്ഷൻ എന്ന റെക്കോർഡ് ആണ് അത്. കേരളം നേരിട്ട പ്രളയം പശ്ചാത്തലമാക്കിയ 2018 എന്ന ചിത്രത്തെ പിന്നിലാക്കിയാണ് ചിദംബരം സംവിധാനം ചെയ്ത സർവൈവൽ ത്രില്ലർ ഒന്നാമത് എത്തിയിരിക്കുന്നത്. 8.3 മില്യൺ ഡോളർ ആണ് ചിത്രം ഇതുവരെ നേടിയിരിക്കുന്നത്. അതായത് 69 കോടി രൂപ.
നിലവിൽ രണ്ടാം സ്ഥാനത്തുള്ള 2018 ന്റെ കളക്ഷൻ 8.26 മില്യൺ ആണ്. ഈ പട്ടികയിൽ മൂന്നാം സ്ഥാനത്ത് ലൂസിഫറും നാലാം സ്ഥാനത്ത് പുലിമുരുകനും അഞ്ചാം സ്ഥാനത്ത് പ്രേമലുവുമാണ്. അതേസമയം ചരിത്രത്തിൽ ആദ്യമായിട്ടാണ് ഡബ് ചെയ്യാത്ത ഒരു മലയാളം ചിത്രം തമിഴ്നാട് ബോക്സ്ഓഫീസിൽ ഇത്രയും വലിയ നേട്ടം സ്വന്തമാക്കുന്നത്. കന്നഡ ബോക്സ്ഓഫീസിലും ചിത്രത്തിന് മികച്ച പ്രതികരണമാണ് ലഭിക്കുന്നത്. 10-15 ഇടയിലാണ് ഇതുവരെയുള്ള ചിത്രത്തിന്റെ കർണാടകയിൽ നിന്നുമുള്ള നേട്ടം.
Discussion about this post