തൃശൂർ: തൃശൂരിൽ കോൺഗ്രസ് സ്ഥാനാർത്ഥി കെ മുരളീധരനെ ബിജെപി സ്ഥാനാർത്ഥി സുരേഷ് ഗോപി പരാജയപ്പെടുത്തുമെന്ന് പത്മജ വേണുഗോപാൽ. മുരളീധരൻ തോൽക്കുമെന്ന് തീർച്ചയാണ്. സ്ത്രീ വോട്ടർമാർക്കാണ് സുരേഷ് ഗോപിയുടെ സ്ഥാനാർത്ഥിത്വത്തിൽ കൂടുതൽ ആവേശം. കോൺഗ്രസിൽ നിന്നും ഇനിയും നിരവധി പേർ ബിജെപിയിലെത്തുമെന്നും പത്മജ വ്യക്തമാക്കി.
തിരഞ്ഞെടുപ്പ് കഴിഞ്ഞാൽ ബിജെപിയിലേക്ക് വലിയ തോതിൽ ഒഴുക്കുണ്ടാകും. മുരളീധരന്റെ കൂടെ ഇപ്പോഴുള്ളത് തന്നെ തോൽപ്പിച്ചവരാണ്. മുരളീധരൻ ജയിക്കുമെന്ന് ഒരു പ്രതീക്ഷയും ഇല്ലെന്നും അവർ വ്യക്തമാക്കി.
പ്രതാപൻ മുരളീധരന് വേണ്ടി ഒഴിഞ്ഞു കൊടുത്തതല്ല. ഒരു കൊല്ലമായി നിയമസഭ ലക്ഷ്യമിട്ട് പ്രവർത്തിക്കുന്ന വ്യക്തിയാണ് പ്രതാപൻ. അതിനാൽ തന്നെ മുരളീധരനെ അവിടെ നിർത്തിയത് തോൽവി മുന്നിൽ കണ്ടു തന്നെയാണ്. ന്യൂനപക്ഷങ്ങൾ ബിജെപിയോട് അടുത്തുകൊണ്ടിരിക്കുകയാണെന്നും അവർ കൂട്ടിച്ചേർത്തു.
കേരളത്തിൽ ‘കേരള സ്‌റ്റോറി’ പ്രദർശിപ്പിക്കുന്നതിനെ കുറിച്ചും അവർ വ്യക്തമാക്കി. കേരളത്തിൽ ലൗ ജിഹാദുണ്ട്. അതുകൊണ്ടുതന്നെ ‘കേരള സ്‌റ്റോറി’ പ്രദർശിപ്പിക്കുന്നത് നല്ലതാണ്. കുട്ടികൾക്ക് ഇതിനെ കുറിച്ച് സന്ദേശം നൽകേണ്ടത് അനിവാര്യമാണ്. ലൗ ജിഹാദിനെ കുറിച്ച് അന്വേഷണം നടത്തണമെന്നും പത്മജ പറഞ്ഞു.
Discussion about this post