2024 ഐപിഎല്ലിൽ മുംബൈ ഇന്ത്യൻസിനെതിരെ ആറാം മത്സരം കളിക്കാനൊരുങ്ങുകയാണ് ആർസിബി. ആർസിബിയെ സംബന്ധിച്ച് ഈ മത്സരം വളരെ പ്രക്ഷുബ്ധം ആണെന്നാണ് ടീമിന്റെ മുൻ നായകനായ വിരാട് കോഹ്ലി വെളിപ്പെടുത്തുന്നത്. ഈ വർഷത്തെ ഐപിഎല്ലിൽ ഇതുവരെ കളിച്ച 5 മത്സരങ്ങളിൽ ഒന്നിൽ മാത്രമാണ് ആർസിബി വിജയിച്ചിട്ടുള്ളത്. ഇക്കാര്യം സമ്മർദ്ദം അധികമാക്കുന്നു എന്നാണ് കോഹ്ലിയുടെ അഭിപ്രായം.
പ്രക്ഷുബ്ധതയാണ് താൻ ഏറ്റവും ഭയപ്പെടുന്ന കാര്യം എന്നാണ് വിരാട് കോഹ്ലി വ്യക്തമാക്കുന്നത്. അത്തരം സമയങ്ങളിൽ താൻ ഒരു വിഡ്ഢിയെ പോലെയാണ് കാണപ്പെടാറുള്ളത് എന്നും കോഹ്ലി വെളിപ്പെടുത്തുന്നു. ആർസിബിക്ക് ഈ വർഷത്തെ ഐപിഎല്ലിൽ മോശം തുടക്കമാണ് നേരിട്ടിട്ടുള്ളത്. വ്യാഴാഴ്ച വാങ്കഡെ സ്റ്റേഡിയത്തിൽ വെച്ച് നടക്കുന്ന മത്സരത്തിൽ അഞ്ച് തവണ ചാമ്പ്യൻമാരായ മുംബൈ ഇന്ത്യൻസിനെതിരെയുള്ള മത്സരമാണ് ആർസിബിയുടെ അടുത്ത വെല്ലുവിളി.
ഫാഫ് ഡു പ്ലെസിസ് ആണ് ഇത്തവണ ആർസിബിയെ നയിക്കുന്നത്. മത്സരങ്ങളിൽ സ്ഥിരമായി തോൽവി നേരിടുന്നെങ്കിലും വിരാട് കോഹ്ലി ഇത്തവണ ഐപിഎല്ലിൽ മികച്ച ഫോമിലാണ് തുടരുന്നത്. ഈ വർഷം ഇതുവരെയുള്ള മത്സരങ്ങളിൽ ഒരു സെഞ്ചുറി നേടിയത് കൂടാതെ 5 മത്സരങ്ങളിൽ നിന്ന് 105.33 ശരാശരിയിൽ 316 റൺസ് നേടാനും വിരാട് കോഹ്ലിക്ക് കഴിഞ്ഞിട്ടുണ്ട്.
