ലോക്സഭാ തിരഞ്ഞെടുപ്പ് അടുത്തിരിക്കെ കോൺഗ്രസിന് വീണ്ടും തിരിച്ചടി. മുൻ കോൺഗ്രസ് വക്താവ് രോഹൻ ഗുപ്തയും മറ്റ് നേതാക്കളും പാർട്ടി വിട്ട് ട്ട് ബിജെപിയിൽ ചേർന്നു. കേന്ദ്ര മന്ത്രി ഹർദീപ് സിംഗ് പുരിയുടെയും ദേശീയ ജനറൽ സെക്രട്ടറി വിനോദ് താവ്‌ഡെയുടെയും സാന്നിദ്ധ്യത്തിലാണ് പാർട്ടി അംഗത്വം സ്വീകരിച്ചത്.
കഴിഞ്ഞ 15 വർഷമായി താൻ ഭാഗമായിരുന്ന പാർട്ടി ഇന്ന് ദിശാബോധമില്ലാതെ പ്രവർത്തിക്കുകയാണെന്നും ജനങ്ങളുടെ വിശ്വാസ്യത ഇല്ലാതാക്കുകയാണെന്നും രോഹൻ ഗുപ്ത ആരോപിച്ചു. സനാത ധർമ്മം അവഹേളിക്കപ്പെടുമ്പോൾ ഞങ്ങളോട് കൈയ്യും കെട്ടി ഇരിക്കാനാണ് നേതാക്കൾ പറയുന്നത് എന്ന് ആരെയും പേരെടുത്ത് പരാമർശിക്കാതെ രോഹൻ ആരോപിച്ചു. അദ്ദേഹത്തിന്റെ പേരിൽ മാത്രമേ ”രാമൻ” ഉള്ളൂ എന്നും രോഹൻ ഗുപ്ത കൂട്ടിച്ചേർത്തു.
അരവിന്ദ് കെജ്രിവാളിനെയും ആം ആദ്മി പാർട്ടിയെയും കോൺഗ്രസ് എന്തിനാണ് ഇൻഡി സഖ്യത്തിൽ ഉൾപ്പെടുത്തിയത് എന്നും രോഹൻ ചോദിച്ചു. രാജ്യത്തിന്റെ പേരിലുള്ള സഖ്യത്തിൽ രാജ്യദ്രോഹികളെ ഉൾപ്പെടുത്തി. ഖാലിസ്ഥാനി ഭീകരരുമായി ബന്ധമുള്ള കെജ്രിവാളിനെ ആരുടെ നിർബന്ധം കാരണമാണ് ഇൻഡി സഖ്യത്തിന്റെ ഭാഗമാക്കിയത് എന്നാണ് രോഹൻ ഗുപ്ത ചോദിച്ചത്.
”2047 ഓടെ വികസിത ഭാരതം” എന്ന ആശയത്തെ പിന്തുണച്ച രോഹൻ ഗുപ്ത പ്രധാനമന്ത്രി നരേന്ദ്ര മോദിയുടെ ദീർഘവീക്ഷണത്തെ പ്രശംസിക്കുകയും ചെയ്തു.
കഴിഞ്ഞ മാസം അഹമ്മദാബാദ് ഈസ്റ്റ് ലോക്സഭാ മണ്ഡലത്തിലെ സ്ഥാനാർത്ഥിത്വം പിൻവലിച്ചതിന് പിന്നാലെ രോഹൻ ഗുപ്ത കോൺഗ്രസിൽ നിന്ന് രാജിവെച്ചിരുന്നു. കോൺഗ്രസിന്റെ കമ്മ്യൂണിക്കേഷൻ ഡിപ്പാർട്ട്മെന്റുമായി ബന്ധപ്പെട്ട ഒരു നേതാവിന്റെ നിരന്തരമായ അപമാനം തന്റെ തീരുമാനത്തിന് കാരണമായി അദ്ദേഹം കുറ്റപ്പെടുത്തിയിരുന്നു. ഇതിന് പിന്നാലെയാണ് ബിജെപി അംഗത്വം സ്വീകരിച്ചത്.
Discussion about this post