ഇടുക്കി : ദി കേരള സ്റ്റോറി എസ്എൻഡിപി യോഗങ്ങളിലും വനിതാസംഘങ്ങളിലും പ്രദർശിപ്പിക്കുമെന്ന് ഇടുക്കിയിലെ എൻഡിഎ സ്ഥാനാർഥി സംഗീത വിശ്വനാഥൻ . ലൗ ജിഹാദും നാർക്കോട്ടിക് ജിഹാദും സമൂഹത്തിൽ നിലനിൽക്കുന്നു. ഇത്തരം വിപത്തുകളെ കുറിച്ചുള്ള ചർച്ചകൾ മുമ്പും എസ്എൻഡിപി യോഗത്തിൽ നടത്തിയിട്ടുണ്ട്. കുടുംബ യോഗങ്ങളിലും ഇത് ചർച്ച ചെയ്യേണ്ട വിഷയം ആണ് എന്ന് സംഗീത വിശ്വനാഥൻ പറഞ്ഞു. കുമാരനാശാൻ ജന്മദിന അനുസ്മരണ പരിപാടിയിൽ പങ്കെടുക്കുകയായിരുന്നു അവർ.
കഴിഞ്ഞ ദിവസം താമരശേരി രൂപതക്ക് കീഴിൽ കേരള സ്റ്റോറി സിനിമ പ്രദർശിപ്പിച്ചു. കെ.സി.വൈ.എം യൂണിറ്റുകളിലായിരുന്നു പ്രദർശനം. സിനിമ പ്രദർശിപ്പിച്ച ഇടുക്കി രൂപതക്ക് അഭിനന്ദനവുമായി താമരശേരി രൂപത രംഗത്തെത്തിയിരുന്നു.
കോഴിക്കോട് തലശ്ശേരി രൂപത ഇന്ന് ചിത്രം പ്രദർശിപ്പിക്കുന്നുണ്ട്. രൂപതയ്ക്ക് കീഴിലെ എല്ലാ കെ.സി.വൈ.എം യൂണിറ്റുകളിലുമാണ് സിനിമ പ്രദർശിപ്പിക്കുക. വൈകീട്ട് മൂന്ന് മണിയ്ക്ക് ശേഷമാണ് പ്രദർശനം. ലൗജിഹാദിനെതിരായ ബോധവത്കരണം എന്ന നിലയ്ക്കാണ് സിനിമ പ്രദർശിപ്പിക്കുന്നത്.
Discussion about this post