ജെറുസലേം: ഇസ്രായേലിൽ ഇന്ത്യക്കാർക്ക് ജാഗ്രത നിർദ്ദേശം. എബസിയില് രജിസ്റ്റർ ചെയ്യാൻ ഫോം നൽകിയതായി വിവരം.ഇസ്രയേൽ – ഇറാൻ സംഘർഷ സാധ്യത കണക്കിലെടുത്താണ് നീക്കം.ഇസ്രയേൽ – ഇറാൻ സംഘർഷത്തിൽ കടുത്ത ആശങ്കയാണ് ഇന്ത്യ രേഖപ്പെടുത്തുന്നത്.
മേഖലയുടെ സുരക്ഷയേയും സ്ഥിരതയേയും ബാധിക്കുന്നതാണ് കഴിഞ്ഞ ദിവസങ്ങളിലെ സംഭവവികാസങ്ങളെന്ന് വിദേശകാര്യകാര്യമന്ത്രാലയം പ്രസ്താവനയിൽ പറഞ്ഞു. സംഘർഷം അവസാനിപ്പിച്ച് സംയമനത്തോടെ നയതന്ത്ര ചർച്ചകൾക്ക് സാഹചര്യം ഒരുക്കണമെന്നും അക്രമത്തിൻറെ പാത സ്വീകരിക്കരുതെന്നും ഇന്ത്യ പ്രസ്താവനയിൽ ആവശ്യപ്പെട്ടു. സാഹചര്യം നിരീക്ഷിക്കുകയാണെന്നും മേഖലയിലെ എംബസികൾ ഇന്ത്യൻ സമൂഹവുമായി സമ്പർക്കത്തിലാണെന്നും വിദേശകാര്യമന്ത്രാലയം അറിയിച്ചു.
അതേസമയം ഇസ്രയേലിന് നേരെ ആക്രമണം നടത്തി ഇറാൻ. ബാലിസ്റ്റിക് മിസൈലുകളും ഡോണുകളും ഉപയോഗിച്ചാണ് ആക്രമണം. ഇറാനില് നിന്നും സഖ്യ രാജ്യങ്ങളില് നിന്നുമാണ് ഡ്രോണ് തൊടുത്തത്. ഇസ്രയേല് സേന ഡ്രോണ്, മിസൈല് ആക്രണം സ്ഥിരീകരിച്ചു. കനത്ത തിരിച്ചടി ഉണ്ടാകുമെന്ന് ഇസ്രയേല് മുന്നറിയിപ്പ് നല്കി. ആക്രമണത്തെ നേരിടാന് ഇസ്രയേല് തയ്യാറെന്ന് പ്രധാനമന്ത്രി ബെന്യാമിന് നെതന്യാഹു അറിയിച്ചു.
Discussion about this post