ന്യൂഡൽഹി: ഇസ്രായേൽ കപ്പൽ ആയ എംഎസ്സി ഏരീസിലെ ക്രൂ അംഗങ്ങളായ ഇന്ത്യൻ പൗരന്മാരെ ഇറാൻ തടങ്കലിൽ വച്ചിട്ടില്ലെന്നും അവർക്ക് പോകാൻ പരിപൂർണ്ണ സ്വാതന്ത്ര്യമുണ്ടെന്നും വ്യക്തമാക്കി ഇന്ത്യയിലെ ഇറാനിയൻ പ്രതിനിധി ഇറാജ് ഇലാഹി.
“എല്ലാവർക്കും പോകാൻ സ്വാതന്ത്ര്യമുണ്ട്. അവരെ തടങ്കലിൽ വച്ചിട്ടില്ല. അവർക്ക് ഇന്ത്യയിലേക്ക് മടങ്ങാം. അവർ ക്യാപ്റ്റൻ്റെ നിയന്ത്രണത്തിലാണ്,” വാർത്താ ഏജൻസിയായ എഎൻഐയോട് പ്രതികരിച്ചുകൊണ്ട് ഇലാഹി പറഞ്ഞു.
അതെ സമയം കപ്പലിൽ അകപ്പെട്ടു പോയിരിക്കുന്ന മുഴുവൻ ഇന്ത്യക്കാരെയും ബന്ധപ്പെട്ടിട്ടുണ്ടെന്ന് ഇന്ത്യൻ എംബസിയും വ്യക്തമാക്കിയിട്ടുണ്ട്
ക്രൂ അംഗങ്ങൾ നല്ല ആരോഗ്യത്തോടെയും ഇന്ത്യയിലെ അവരുടെ കുടുംബാംഗങ്ങളുമായി സമ്പർക്കത്തിലുമാണ് ഉള്ളത് . MSC ഏരീസിലെ ശേഷിക്കുന്ന ക്രൂ അംഗങ്ങളുടെ ക്ഷേമം ഉറപ്പാക്കാൻ ഇന്ത്യൻ മിഷൻ ഇറാനിയൻ അധികൃതരുമായും ബന്ധപെട്ടു കൊണ്ടിരിക്കുകയാണ്. ഇന്ത്യൻ എംബസി വെളിപ്പെടുത്തി
Discussion about this post