കോഴിക്കോട്: കോഴിക്കോട്ടെ എൽ.ഡി.എഫ് സ്ഥാനാർഥി എളമരം കരീമിനെതിരെ തിരഞ്ഞെടുപ്പ് കമ്മീഷന് പരാതി സമർപ്പിച്ച് യു.ഡി.എഫ്. സമൂഹ മാദ്ധ്യമമായ ഇൻസ്റ്റാഗ്രാമിൽ അദ്ധേഹം പങ്കുവെച്ച വീഡിയോയ്ക്കെതിരെയാണ് പരാതി. വീഡിയോ വോട്ടിങ് യന്ത്രത്തിന്റെ വിശ്വാസ്യത ഇല്ലാതാക്കുന്നുവെന്നാണ് യു.ഡി.എഫ് പറയുന്നത് . യു.ഡി.എഫ് കോഴിക്കോട് പാർലമെന്റ് മണ്ഡലം കമ്മിറ്റിയാണ് പരാതി നൽകിയിരിക്കുന്നത്.
തോറ്റ തിരഞ്ഞെടുപ്പിലും തോൽക്കാൻ പോകുന്ന തിരഞ്ഞെടുപ്പിലും ഇലക്ഷൻ സംവിധാനത്തെ കുറ്റം പറയുക എന്നത് കോൺഗ്രസിന്റെയും സി പി എമ്മിന്റെയും സ്ഥിരം പരിപാടിയാണ്. എന്നാൽ കോൺഗ്രസ് ജയിക്കുന്ന തിരഞ്ഞെടുപ്പുകളിൽ അത്ഭുതകരമായി തിരഞ്ഞെടുപ്പ് മെഷീനുകൾ സത്യസന്ധമാകുന്ന മാറിമായവും നമ്മൾ കാണാറുണ്ട്. അതായത് വോട്ടിങ് മെഷീനുകൾ കോൺഗ്രസിനെ ജയിപ്പിച്ചാൽ മാത്രം അത് പ്രവർത്തന യോഗ്യമാണ് എന്ന സവിശേഷ വാദത്തിലൂന്നി പ്രവർത്തിക്കുന്ന പാർട്ടിയാണ് കോൺഗ്രസ് എന്ന് ചുരുക്കം.
ഇന്നിപ്പോൾ കേരളത്തിൽ യു ഡി എഫിന് അനുകൂലമായ വികാരമാണ് പൊതുവിൽ ഉള്ളത് എന്ന സാഹചര്യത്തെ കുറിച്ച് കൃത്യമായ അറിവുള്ളവരാണ് കോൺഗ്രസ് നേതാക്കൾ, അത് കൊണ്ട് തന്നെ വോട്ടിങ് യന്ത്രത്തിന്റെ വിശ്വാസ്യത തല്ക്കാലം പോകുന്നത് അവർ ആഗ്രഹിക്കുന്നില്ല.
Discussion about this post