എനിമി പ്രോപ്പര്‍ട്ടി നിയമം ഭോദഗതി പ്രകാരം കേരളത്തിലെ വിവിധ ജില്ലകളില്‍ പാക്കിസ്ഥാന്‍ പൗരന്മാരുടെ പേരിലുള്ള കോടിക്കണക്കിനു രൂപയുടെ ശത്രു സ്വത്തുക്കള്‍ കേന്ദ്രസര്‍ക്കാര്‍ തിരിച്ചുപിടിക്കും. കണ്ണൂര്‍, കോഴിക്കോട്, മലപ്പുറം, പാലക്കാട്, തൃശൂര്‍ ജില്ലകളിലായി പാക്കിസ്ഥാന്‍ പൗരന്മാരുടെ പേരില്‍ ഏക്കറു കണക്കിന് സ്വത്തുക്കളാണുള്ളത്. കണ്ണൂരില്‍5, മലപ്പുറത്ത്43, കോഴിക്കോട്9, പാലക്കാടും തൃശൂരും എന്നിങ്ങനെ ആകെ 59 സ്വത്തുക്കളാണു എനിമി പ്രോപ്പര്‍ട്ടി കസ്റ്റോഡിയന്റെ പട്ടികയിലുള്ളത്. മറ്റു ജില്ലകളില്‍ ഇത്തരത്തില്‍ സ്വത്തുക്കളുണ്ടോയെന്ന് ജില്ലാ ഭരണകൂടങ്ങളുടെ സഹായത്തോടെ പരിശോധിക്കുമെന്ന് കസ്റ്റോഡിയന് ഓഫിസ് അറിയിച്ചു.
കേരളം ഉള്‍പ്പെടെ വിവിധ സംസ്ഥാനങ്ങളിലായി ആയിരക്കണക്കിനു കോടി രൂപ മൂല്യമുള്ള 16,000ത്തോളം എനിമി പ്രോപ്പര്‍ട്ടികളാണുള്ളത്. ഇത്തരം സ്വത്തുവകകളുടെ ഉടമസ്ഥാവകാശം കേന്ദ്ര ആഭ്യന്തരവകുപ്പിനു കീഴില്‍ പ്രവര്‍ത്തിക്കുന്ന എനിമി പ്രോപ്പര്‍ട്ടി കസ്റ്റോഡിയനില്‍ നിക്ഷിപ്തമാക്കിക്കൊണ്ടാണു മുന്‍കാല പ്രാബല്യത്തോടെ പുതിയ ഓര്‍ഡിനന്‍സ് പുറത്തിറക്കിയിരിക്കുന്നത്.കാലാകാലങ്ങളായി ഈ സ്വത്തുക്കള്‍ കയ്യേറിയിട്ടുള്ളവരെ ഒഴിപ്പിക്കാനുള്ള അധികാരവും കസ്റ്റോഡിയനു നല്‍കിയിട്ടുണ്ട്. ഈ സ്വത്തുക്കള്‍ വാങ്ങി കെട്ടിടസമുച്ചയങ്ങള്‍ പണിതവര്‍ക്ക് സര്‍ക്കാരിന്റെ പുതിയ നീക്കം ശക്തമായ തിരിച്ചടിയാകും.
പാക്കിസ്ഥാന്‍ സര്‍ക്കാര്‍, 1971ല്‍ തന്നെ ഇന്ത്യന്‍ പൗരന്മാരുെട സ്വത്തുക്കള്‍ വിറ്റ് സര്‍ക്കാരിലേക്കു മുതല്‍കൂട്ടി. ഇന്ത്യയില്‍ ഭരണനേതൃത്വത്തിലെ ഭിന്നത മൂലം നടപടികള്‍ വൈകുകയായിരുന്നു. ഒരു പ്രത്യേക സാഹചര്യത്തില്‍ ഇന്ത്യ വി
ടേണ്ടിവന്നവരുടെ സ്വത്തുക്കള്‍ എനിമി പ്രോപ്പര്‍ട്ടിയായി കണക്കാക്കരുതെന്നും ആവശ്യമുയര്‍ന്നിരുന്നു. എന്നാല്‍ നരേന്ദ്രമോദി സര്‍ക്കാര്‍ അധികാരത്തിലെത്തിയതോടെ സ്വത്തുക്കള്‍ തിരിച്ചുപിടിക്കാനുള്ള നടപടിക്രമങ്ങള്‍ വേഗത്തിലാക്കുകയായിരുന്നു.
ഈ സ്വത്തുക്കളുടെ ക്രയവിക്രയവുമായി ബന്ധപ്പെട്ട് മൂന്നു കേസുകള്‍ ഹൈക്കോടതി വിധി പ്രഖ്യാപിച്ചിരുന്നു. കെ.പി. കുഞ്ഞഹമ്മദ് എന്നയാളിന്റെ സ്വത്തു വാങ്ങിയതിനെ ചൊല്ലിയുള്ള തര്‍ക്കമാണു കോടതിയിലെത്തിയത്. 1968ലെ എനിമി പ്രോപ്പര്‍ട്ടി നിയമപ്രകാരം സ്വത്തുക്കള്‍ നോക്കിനടത്താന്‍ മാത്രമേ കസ്റ്റോഡിയന് അധികാരമുള്ളുവെന്നും ഏറ്റെടുക്കാന്‍ അവകാശമിെല്ലന്നും ചൂണ്ടിക്കാട്ടിയായിരുന്നു വിധി.എന്നാല്‍ പുതിയ ഓര്‍ഡിനന്‍സ് വന്നതോടെ ഈ വിധി അസാധുവാകുമെന്ന് എനിമി പ്രോപ്പര്‍ട്ടി കസ്റ്റോഡിയന് ഓഫീസ് വ്യക്തമാക്കി. വിഭജനകാലത്തും 1965ലെയും 1971ലെയും ഇന്ത്യപാക് യുദ്ധങ്ങളെ തുടര്‍ന്നും ഇന്ത്യ വിട്ടു പാക്കിസ്‌നിലെത്തി പാക് പൗരത്വം സ്വീകരിച്ചവരുടെ ഇന്ത്യയിലുള്ള സ്വത്തുവകകളാണ് ഡിഫന്‍സ് നിയമപ്രകാരം കേന്ദ്രസര്‍ക്കാര്‍ ഏറ്റെടുത്തത്. തുടര്‍ന്ന് 1968ല്‍ ഇന്ത്യന്‍ പാര്‍ലമെന്റ് എനിമി പ്രോപ്പര്‍ട്ടി നിയമം പാസാക്കി സ്വത്തുവകകളുടെ കൈ.കാര്യ, സംരക്ഷണച്ചുമതല എനിമി പ്രോപ്പര്‍ട്ടി കസ്റ്റോഡിയനെ ഏല്‍പ്പിച്ചു. ഈ സ്വത്തുക്കളുടെ ക്രയവിക്രയം
നിരോധിക്കുകയും ചെയ്തിരുന്നു.
Discussion about this post