തിരുവനന്തപുരം; സംസ്ഥാനത്ത് ഇന്നും നാളെയും ട്രെയിൻ ഗതാഗതത്തിൽ നിയന്ത്രണം ഏർപ്പെടുത്തി ഇന്ത്യൻ റെയിൽവേ. മേയ് ഒന്ന് ബുധനാഴ്ചത്തെ മൂന്ന് സർവീസുകൾ പൂർണമായും റദ്ദാക്കിയെന്നും എട്ട് സർവീസുകൾ ഭാഗികമായും റദ്ദാക്കിയിട്ടുണ്ടെന്നും ദക്ഷിണ റെയിൽവേ തിരുവനന്തപുരം ഡിവിഷൻ അറിയിച്ചു. ഇന്ന് സർവീസ് നടത്തേണ്ടിയിരുന്ന ട്രെയിൻ നമ്പർ 06018 എറണാകുളം ഷൊർണൂർ മെമുവും റദ്ദാക്കിയിട്ടുണ്ട്.
മേയ് 1 ബുധനാഴ്ച പൂർണ്ണമായി റദ്ദാക്കിയ ട്രെയിനുകൾ
1. ട്രെയിൻ നമ്പർ 06453 എറണാകുളം കോട്ടയം പാസഞ്ചർ (എറണാകുളത്തുനിന്ന് രാവിലെ 07:45ന് പുറപ്പെടേണ്ടിയിരുന്നത്)
2. ട്രെയിൻ നമ്പർ 06434 കോട്ടയം എറണാകുളം പാസഞ്ചർ (കോട്ടയത്തുനിന്ന് വൈകീട്ട് 05:20ന് പുറപ്പെടേണ്ടിയിരുന്നത്)
3. ട്രെയിൻ നമ്പർ 06017 ഷൊർണൂർ എറണാകുളം മെമു (ഷൊർണ്ണൂരിൽനിന്ന് രാവിലെ 04:30ന് പുറപ്പെടേണ്ടിയിരുന്നത്)
ഇന്നും നാളെയും ഭാഗികമായി റദ്ദാക്കിയ ട്രെയിനുകൾ
1. ഇന്നത്തെ ചെന്നൈ എഗ്മോർ ഗുരുവായൂർ എക്സ്പ്രസ് ( ട്രെയിൻ നമ്പർ 16127) എറണാകുളത്തിനും ഗുരുവായൂരിനും ഇടയിൽ ഭാഗികമായി റദ്ദാക്കി.
2. നാളെ ഗുരുവായൂരിൽ നിന്ന് പുറപ്പെടേണ്ട ട്രെയിൻ നമ്പർ 16128 ഗുരുവായൂർ ചെന്നൈ എഗ്മോർ എക്സ്പ്രസ് ഗുരുവായൂരിനും എറണാകുളത്തിനും ഇടയിൽ ഭാഗികമായി റദ്ദാക്കി. എറണാകുളത്ത് നിന്ന് 01:20ന് ട്രെയിൻ പുറപ്പെടും.
3. നാളത്തെ ഗുരുവായൂർ തിരുവനന്തപുരം സെൻട്രൽ ഇൻറർസിറ്റി എക്സ്പ്രസ് ( ട്രെയിൻ നമ്പർ 16341) ഗുരുവായൂരിനും എറണാകുളത്തിനും ഇടയിൽ ഭാഗികമായി റദ്ദാക്കി എറണാകുളത്ത് നിന്ന് 05:20 ന് പുറപ്പെടും.
4. ഇന്നത്തെ തിരുവനന്തപുരം സെൻട്രൽ ഗുരുവായൂർ ഇൻറർസിറ്റി എക്സ്പ്രസ് (ട്രെയിൻ നമ്പർ 16342 ) ട്രെയിൻ എറണാകുളത്ത് സർവീസ് അവസാനിപ്പിക്കും.
5. ഇന്നത്തെ കാരക്കൽ എറണാകുളം എക്സ്പ്രസ് (ട്രെയിൻ നമ്പർ 16187) പാലക്കാടിനും എറണാകുളത്തിനും ഇടയിൽ ഭാഗികമായി റദ്ദാക്കി.
6. നാളെ എറണാകുളത്ത് നിന്ന് പുറപ്പെടേണ്ട ട്രെയിൻ നമ്പർ 16188 എറണാകുളം കാരക്കൽ എക്സ്പ്രസ് എറണാകുളത്തിനും പാലക്കാടിനും ഇടയിൽ ഭാഗികമായി റദ്ദാക്കി. നാളെ 01:40 ന് പാലക്കാട് നിന്ന് ട്രെയിൻ പുറപ്പെടും.
7. നാളത്തെ ഗുരുവായൂർ മധുരൈ എക്സ്പ്രസ് (ട്രെയിൻ നമ്പർ 16328) എറണാകുളം ടൗണിൽ നിന്ന് 08:00 മണിക്ക് പുറപ്പെടും.
8. ഇന്നത്തെ മധുര ഗുരുവായൂർ എക്സ്പ്രസ് നമ്പർ എറണാകുളം ടൗണിൽ സർവീസ് അവസാനിക്കും.
Discussion about this post