സ്വർണമോ ഡയമണ്ടോ..? നിക്ഷേപത്തിന് ബെസ്‌റ്റേത്? അറിഞ്ഞിരിക്കണം ഇക്കാര്യങ്ങൾ

സ്വർണവും ഡയമണ്ടുമെല്ലാം ഒരു നിക്ഷേപമെന്ന നിലയിൽ കൂടി വാങ്ങി വയ്ക്കുന്നവരാണ് നമ്മളെല്ലാവരും. ഇപ്പോൾ സ്വർണക്കടകളിൽ പോകുമ്പോൾ സെയിൽസ് ചെയ്യുന്നവർ സ്വർണത്തിന് പകരം ഡയമണ്ട് സജസ്റ്റ് ചെയ്യാറുണ്ട്. എന്നാൽ, പലർക്കുമുള്ള സംശയമാണ് സ്വർണം വാങ്ങുന്നതാണോ ഡയമണ്ട് വാങ്ങുന്നതാണോ നല്ലതെന്ന്. ഏതാണ് നമുക്ക് കൂടുതൽ നല്ലതെന്ന് നോക്കാം…

അനായാസേന പണമാക്കി മാറ്റാവുന്ന ഒന്നാണ് സ്വർണം. എപ്പോൾ വേണമെങ്കിലും നമുക്ക് സ്വർണം വാങ്ങാനും വിൽക്കാനും സാധിക്കും. എന്നാൽ, അതേസമയം ഡയമണ്ട് വിൽക്കാൻ കുറച്ച് ബുദ്ധിമുട്ടാണ്. ഡയമണ്ടിന്റെ പ്രത്യേകതകൾ വിലയുള്ള സ്ഥലത്ത് മാത്രമേ അത് വിൽക്കാൻ സാധിക്കൂ…

സമ്പത്തിന്റെ മറ്റൊരു വേർഷൻ ആണ് ഡയമണ്ട്. കാലാകാലങ്ങളായി ഇതിന് മൂല്യം വർദ്ിച്ചുകൊണ്ടിരിക്കുകയാണ്. രാജ്യത്തിന്റെ സാമ്പത്തിക സാഹചര്യങ്ങളും ആഗോള വിപണിയും ഉൾപ്പെടെ നിരവധി കാര്യങ്ങൾ സ്വർണവിലയെ ബാധിക്കുന്നുണ്ട്. അതേസമയം, ഡയമണ്ടിന്റെ കട്ട്, ഷേപ്പ്, വ്യക്തത, നിറം, കാരറ്റ്, ഭാരം എന്നിങ്ങനെയുള്ള ഘടകങ്ങളാണ് ഡയമണ്ടിന്റെ മൂല്യത്തെ നിർണയിക്കുന്നത്. വിപണിയിലെ ഡിമാൻഡും ഡയമണ്ട് വ്യവസായത്തിലെ ഇടനിലക്കാരുടെ സാന്നിദ്ധ്യവും കാരണം റിട്ടെയിൽ വിലയേക്കാൾ കുറവാണ് അവയുടെ പുനർ വിൽപ്പന മൂല്യം.

വിലയിൽ എപ്പോഴും ഏറ്റക്കുറച്ചിലുകൾ ഉണ്ടാകുന്ന ഒന്നാണ് സ്വർണവും ഡയമണ്ടുമെല്ലാം. എന്നാൽ, സ്വർണത്തേ താരതമ്യപ്പെടുത്തുമ്പോൾ ഈ ചാഞ്ചാട്ടം കൂടുതലുള്ളത് ഡയമണ്ടിന് തന്നെയാണ്. ഡയമണ്ട് ഒരു ആഡംബര വസ്തുവാണ്. അതിനാൽ തന്നെ ഉപഭോക്തൃ ഡിമാൻഡ്, ഫാഷൻ ട്രെൻഡുകൾ, ഡയമണ്ട് വിപണിയിലെ മാറ്റങ്ങൾ എന്നിവയിൽ വരുന്ന മാറ്റങ്ങളാണ് ഈ ചാഞ്ചാട്ടത്തിന് പ്രധാന കാരണം.

ഡയമണ്ടിനെ അപേക്ഷിച്ച് സ്വർണത്തിന് പരിപാലന ചിലവ് കുറവാണ്. ഡയമണ്ട് ആണെങ്കിൽ ഇടയ്ക്ക് വൃത്തിയാക്കുകയും പരിശോധിക്കുകയുമെല്ലാം ചെയ്യണം.