തിരുവനന്തപുരം: മാസപ്പടി കേസിൽ അന്വേഷണം ആവശ്യപ്പെട്ട് മാത്യു കുഴൽനാടൻ എംഎൽഎ സമർപ്പിച്ച ഹർജി തള്ളിയതിന് പിന്നിൽ ഒത്തുതീർപ്പ് സംശയിക്കാതിരിക്കാനാകില്ലെന്ന് കേന്ദ്രമന്ത്രി വി. മുരളീധരൻ.
മതിയായ രേകഖൾ ഇല്ലാതെ കോൺഗ്രസ് നേതാവ് കോടതിയില്‍ പോയത് എന്തിനെന്ന് അദ്ദേഹം ചോദിച്ചു. ദേശീയ തല സഖ്യത്തിന്‍റെ ഭാഗമായി മുഖ്യമന്ത്രിക്ക് ദോഷം വരാത്ത സമീപനം കോൺഗ്രസ് സ്വീകരിക്കുന്നതാകും. കോൺഗ്രസ് നേതൃത്വം ഇതിന് മറുപടി പറയണമെന്നും വി. മുരളീധരൻ തിരുവനന്തപുരത്ത് പ്രതികരിച്ചു. വിജിലൻസ് കോടതി അവസാന കോടതി അല്ലെന്നും കേന്ദ്രമന്ത്രി പറഞ്ഞു.
വിദേശയാത്ര പിണറായി വിജയന്‍റെ സ്വകാര്യയാത്രയാകും. എങ്കിലും 19 ദിവസത്തെ യാത്രയുടെ പണം എവിടെ നിന്ന് അറിയാൻ കേരളത്തിലെ ജനങ്ങൾക്ക് അവകാശമുണ്ട്. യാത്രയുടെ സ്പോൺസർ ആരെന്ന് സിപിഎം പറയണം. പാർട്ടിയുടെ അനുവാദത്തോടെ ആണോ യാത്രയെന്ന് എം.വി ഗോവിന്ദൻ വിശദീകരിക്കണമെന്നും വി. മുരളീധരൻ ആവശ്യപ്പെട്ടു.
Discussion about this post