ഭുവനേശ്വർ: ഒഡീഷയിൽ കമ്യൂണിസ്റ്റ് ഭീകരർ കൂട്ടത്തോടെ കീഴടങ്ങി. നിരവധി ക്രിമിനൽ കേസുകളിൽ പ്രതികളായവർ ഉൾപ്പെടെ ഒൻപത് ഭീകരരാണ് കീഴടങ്ങിയത്. ബൗദ് ജില്ലയിൽ കഴിഞ്ഞ ദിവസം ആയിരുന്നു സംഭവം.
കാലാഹണ്ടി ഖന്ദ്മാൽ ബൗദ് നയാഗ്രയിലെ അംഗങ്ങൾ ആണ് കീഴടങ്ങിയത്. ആയുധങ്ങളുമായിട്ടായിരുന്നു കീഴടങ്ങിയത് ആശയങ്ങളിൽ മനംമടുത്താണ് ഇവർ കീഴടങ്ങിയത് എന്നാണ് വിവരം. നേതാക്കളിൽ നിന്നും ഇവർക്ക് ക്രൂര പീഡനങ്ങൾ ആണ് നേരിടേണ്ടിവരുന്നത്. ഇതും നേതാക്കളുടെ പ്രവർത്തനങ്ങളോടുള്ള എതിർപ്പും സംഘടന വിടാൻ കാരണം ആയിട്ടുണ്ട്. രണ്ട് സ്ത്രീകൾ ഉൾപ്പെടെയുള്ളവരാണ് കീഴടങ്ങിയത് എന്ന് അധികൃതർ അറിയിച്ചു.
കീഴടങ്ങിയ മുഴുവൻ പേരും ഛത്തീസ്ഗഡ് സ്വദേശികളാണ്. കീഴടങ്ങിയവരെ സർക്കാരിന്റെ പദ്ധതി പ്രകാരം പുന:രധിവസിപ്പിക്കുമെന്ന് പോലീസ് അറിയിച്ചു. ഇവർക്ക് എല്ലാ ആനുകൂല്യങ്ങളും നൽകുമെന്നും പോലീസ് വ്യക്തമാക്കി.
Discussion about this post