പാലക്കാട്: നാടൻപാട്ട് കലാകാരൻ വാഹനാപകടത്തിൽ മരിച്ചു. വാവന്നൂർ സ്വദേശില രതീഷ് തിരുവരംഗൻ ആണ് മരിച്ചത്. അദ്ദേഹം സഞ്ചരിച്ച ഓട്ടോറിക്ഷ ടാങ്കർ ലോറിയുമായി കൂട്ടിയിടിക്കുകയായിരുന്നു.
കുളപുള്ളി ചുവന്ന ഗേറ്റിൽ ആയിരുന്നു അപകടം. പട്ടാമ്പി ഭാഗത്ത് ഓട്ടോറിക്ഷയിൽ പോകുകയായിരുന്നു രതീഷ്. ഇതിനിടെ ഐപിടി കോളേജിന് സമീപം വച്ച് എതിർ ദിശയിൽ വന്ന ടാങ്കർ ലോറിയുമായി കൂട്ടിയിടിച്ച് അപകടം ഉണ്ടാകുകയായിരുന്നു.
അപകടത്തിൽ രതീഷിന് സാരമായി പരിക്കേറ്റിരുന്നു. ഉടനെ തന്നെ രതീഷിനെ നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മൃതദേഹം ഒറ്റപ്പാലം താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്‌മോർട്ടത്തിന് ശേഷം ബന്ധുക്കൾക്ക് കൈമാറും.
Discussion about this post