മുംബൈ : വ്യാഴാഴ്ച ഇന്ത്യൻ ഓഹരി വിപണി ചരിത്രപരമായ വമ്പൻ കുതിപ്പിനാണ് സാക്ഷ്യം വഹിച്ചത്. സെൻസെക്സും നിഫ്റ്റിയും എക്കാലത്തെയും ഉയർന്ന നിലയിൽ എത്തി. എൻഎസ്ഇ നിഫ്റ്റി 22900 എന്ന ലെവൽ കടന്നപ്പോൾ സെൻസെക്സ് ആദ്യമായി 75405.15 ആയും ഉയർന്നു.
ബെഞ്ച് മാർക്ക് സൂചികയിൽ 1.50 ശതമാനം നേട്ടത്തോടെയാണ് സെൻസെക്സും നിഫ്റ്റിയും വ്യാഴാഴ്ച വ്യാപാരം നടത്തിയത്. റിസർവ് ബാങ്ക് ഓഫ് ഇന്ത്യയുടെ ലാഭവിഹിതത്തിൽ ഉണ്ടായ വൻവർദ്ധനവാണ് വ്യാഴാഴ്ച ഓഹരി വിപണിയെ സ്വാധീനിച്ചത് എന്നാണ് കരുതപ്പെടുന്നത്. 2023-24 സാമ്പത്തിക വർഷത്തിൽ റിസർവ് ബാങ്കിന്റെ ലാഭവിഹിതത്തിൽ 141 ശതമാനത്തിന്റെ റെക്കോർഡ് വർദ്ധനവ് ആണ് ഉണ്ടായിട്ടുള്ളത്.
സെൻസെക്സ് ഓഹരികളിൽ ഏഷ്യൻ പെയിന്റ്സ്, ഇന്ത്യൻ ബാങ്ക്, എൽ ആൻഡ് ടി, ആക്സിസ് ബാങ്ക്, ഭാരതി എയർടെൽ തുടങ്ങിയ ഓഹരികൾ നേട്ടത്തോടെയാണ് വ്യാഴാഴ്ച വ്യാപാരം ആരംഭിച്ചത്. അതേസമയം പവർഗ്രിഡ്, സൺ ഫാർമ, ജെഎസ്ഡബ്ല്യു സ്റ്റീൽ, ടാറ്റാ സ്റ്റീൽ എന്നിവയുടെ ഓഹരികൾക്ക് ഇടിവും സംഭവിച്ചിട്ടുണ്ട്.
Discussion about this post