ന്യൂഡൽഹി :ഡൽഹി മദ്യനയ അഴിമതി കേസിൽ ഇടക്കാല ജാമ്യത്തിൽ കഴിയുന്ന അരവിന്ദ് കെജ്രിവാൾ ജൂൺ രണ്ടിന് തന്നെ പോലീസിന് മുൻപിൽ ഹജരാകും. ഗുരുതരമായ ആരോഗ്യ പ്രശ്നങ്ങൾ ഉണ്ടെന്നും ഇതിന്റെ ഭാഗമായുള്ള പരിശോധനകൾ നടത്തണം എന്ന്് ഡോക്ടർമാർ പറഞ്ഞതായി അദ്ദേഹം പറഞ്ഞു.
ലോക്സഭാ തിരഞ്ഞെടുപ്പ് പ്രചാരണത്തിനായി ഈ മാസം ആദ്യം കെജ്രിവാളിന് 21 ദിവസത്തെ ഇടക്കാല ജാമ്യം അനുവദിച്ചിരുന്നു.തിരഞ്ഞെടുപ്പ് പ്രചാരണത്തിന് 21 ദിവസത്തെ സമയമാണ് സുപ്രീം കോടതി തനിക്ക് നൽകിയത്. മറ്റന്നാൾ ഞാൻ തിഹാർ ജയിലിലേക്ക് മടങ്ങും. വൈകുന്നേരം 3 മണിക്ക് വീട്ടിൽ നിന്ന് ഇറങ്ങുമെന്നും അദ്ദേഹം കൂട്ടിച്ചേർത്തു.
ജയിലിൽ പോകുമ്പോൾ 70 കിലോ ആയിരുന്ന എന്റെ ഭാരം ഇന്ന് 64 കിലോയായി. ജയിൽ മോചിതനായിട്ടും വണ്ണം വയ്ക്കുന്നില്ല. ശരീരത്തിലുണ്ടാകുന്ന ഗുരുതരമായ രോഗങ്ങളുടെ ലക്ഷണമാകാം ഇത് എന്നാണ് ഡോക്ടർമാർ പറയുന്നത്. നിരവധി പരിശോധനകൾ നടത്തേണ്ടതുണ്ട് എന്ന് അദ്ദേഹം പറഞ്ഞു.
ഇടക്കാല ജാമ്യം നീട്ടിക്കിട്ടണമെന്ന് ആവശ്യപ്പെട്ട് കെജ്രിവാൾ ഹർജി നൽകിയിരുന്നു. എന്നാൽ കഴിഞ്ഞ ദിവസം സുപ്രീം കോടതി ഈ ഹർജി തള്ളി. ഇടക്കാല ജാമ്യം അവസാനിക്കുന്ന ജൂൺ രണ്ടിന് തന്നെ ഹാജരാകണമെന്നായിരുന്നു കോടതിയുടെ നിർദേശം.
