ബെയ്ജിങ്: വൻ കടബാധ്യതയിൽ പെട്ട് നട്ടം തിരിയുന്ന ചൈനീസ് റിയൽ എസ്റ്റേറ്റ് ഭീമൻ എവർഗ്രാൻഡെക്ക് 576 മില്യൺ ഡോളർ പിഴ ചുമത്തിയതായി അറിയിച്ച് ബെയ്ജിംഗിൻ്റെ സാമ്പത്തിക നിയന്ത്രണ ബോഡി.
2019 നും 2020 നും ഇടയിൽ, എവർഗ്രാൻഡ് റിയൽ എസ്റ്റേറ്റ് അതിൻ്റെ വരുമാനവും ലാഭവും വഞ്ചനാപരമായി വലുതാക്കി കാണിച്ചു , അതിൻ്റെ ഫലമായി, എക്സ്ചേഞ്ച് മാർക്കറ്റിൽ അവർ പരസ്യമായി ഓഫർ ചെയ്ത ബോണ്ടുകളുടെ തെറ്റായ ഇഷ്യുവിന് കാരണമായി,” മെയ് 31 ന് പുറത്തിറക്കിയ പ്രസ്താവനയിൽ ചൈന സെക്യൂരിറ്റീസ് റെഗുലേറ്ററി കമ്മീഷൻ വെളിപ്പെടുത്തി.
എവർഗ്രാൻഡെ ഒരു കാലത്ത് ചൈനയിലെ ഏറ്റവും വലിയ റിയൽ എസ്റ്റേറ്റ് സ്ഥാപനമായിരുന്നു, സമീപ ദശകങ്ങളിൽ രാജ്യത്തിൻ്റെ ദ്രുതഗതിയിലുള്ള സാമ്പത്തിക വളർച്ചയ്ക്ക് എവെർഗ്രാൻഡെയുടെ പങ്ക് വലുതായിരുന്നു.
എന്നാൽ സ്ഥാപനത്തിന്റെ കുതിച്ചുയരുന്ന കടം ചൈനയുടെ റിയൽ എസ്റ്റേറ്റ് മേഖലയിൽ നിലനിൽക്കുന്ന ഒരു നീണ്ട പ്രതിസന്ധിയുടെ പ്രതീകമായി മാറിയിരുന്നു.
വർഷങ്ങളായി കടം തിരിച്ചടയ്ക്കാൻ പാടുപെടുന്ന കമ്പനി 2021-ൽ ഡിഫോൾട്ട് ആയി പ്രഖ്യാപിച്ചു.
Discussion about this post