ന്യൂഡൽഹി : ആംആദ്മി പാർട്ടിക്കെതിരെ ആഞ്ഞടിച്ച് ആംആദ്മി പാർട്ടി എംപിയും ഡൽഹിയിലെ മുൻ പാർട്ടി മുൻ വനിതാ കമ്മീഷൻ അദ്ധക്ഷയും ആയ സ്വാതി മലിവാൾ. തനിക്കെതിരെയുള്ള ആക്രമണങ്ങൾ പുറത്ത് പറഞ്ഞതിന് ശേഷം താൻ ഒരു വില്ലനും കെജ്രിവാളിന്റെ പേഴ്‌സണൽ സെക്രട്ടറി ബൈഭാവ് കുമാറിനെ ഒരു ഹീറോയായി ചീത്രികരിക്കാൻ പാർട്ടി ശ്രമിക്കുകയാണ് എന്ന് സ്വാതി മലിവാൾ പറഞ്ഞു.
അരവിന്ദ് കെജ്രിവാളിന്റെ ഈ പെരുമാറ്റം തന്നെ വളരെ യധികം വിഷമിപ്പിക്കുന്നുണ്ട്. പാർട്ടിയിൽ ഒരു സ്ഥാനമാനങ്ങളും താൻ ആഗ്രഹിച്ചിട്ടില്ല. ഒരു കാലത്ത് പാർട്ടി ഒന്നും അല്ലാത്തിരിന്നിട്ടും താൻ സത്യസന്ധമായാണ് ജോലി ചെയ്തിരുന്നത്. ഒന്നും തന്നെ ആഗ്രഹിക്കാതെയാണ് ജോലി ചെയ്യ്തത് എന്നും അവർ കൂട്ടിച്ചേർത്തു.
തന്റെ സ്വാഭാവത്തെ അപകീർത്തിപ്പെടുത്താനാണ് പാർട്ടി ശ്രമിക്കുന്നത്. ഇതിൽ താൻ ഒറ്റയ്ക്ക് നിന്ന് തന്നെ പോരാടും . ഡൽഹി പോലീസ് ബൈഭാവ് കുമാറിനെ അറസ്റ്റ് ചെയ്തയുടൻ, അരവിന്ദ് കെജ്രിവാളും മുഴുവൻ പാർട്ടി അംഗങ്ങളും അദ്ദേഹത്തിന്റെ അറസ്റ്റിനെതിരെ പ്രതിഷേധവുമായി തെരുവിലിറങ്ങി. ബൈഭവ് കുമാറിനെ നായകനാക്കാനും തന്നെ വില്ലനാക്കി ചിത്രീകരിക്കാൻ ശ്രമിച്ചു എന്നും സ്വാതി മലിവാൾ പറഞ്ഞു. ഇതിന്റെയെല്ലാം സത്യങ്ങൾ ഒരിക്കൽ പുറത്തുവരും. അന്ന് നിങ്ങൾക്ക് കുടുംബത്തിന്റെ മുഖത്ത് പോലും നോക്കാൻ സാധിക്കില്ല എന്നും സ്വാതി മലിവാൾ ആഞ്ഞടിച്ചു.
മുഖ്യമന്ത്രിയുടെ വസതിയിൽ വച്ച് ബൈഭവ് കുമാർ തന്നെ തല്ലുകയും വയറ്റിൽ അടിക്കുകയും ആക്രമിക്കുകയും ചവിട്ടുകയും ചെയ്തതായി മലിവാൾ പരാതിപ്പെട്ടിരിക്കുന്നത്.
Discussion about this post