കോട്ടയം: ബസ് യാത്രയ്ക്കിടെ സ്വന്തം കുഞ്ഞിനെ മറന്നുവച്ച് മാതാപിതാക്കൾ. കാഞ്ഞിരപ്പള്ളിയിലാണ് സംഭവം. ബസ് യാത്രയ്ക്കിടെ ആറുവയസുകാരിയെ ആണ് മറന്നുവച്ചത്. കാഞ്ഞിരപ്പള്ളി ബസ്സ്റ്റാൻഡിൽ നിന്നും കുമളിയ്ക്ക് പോയ കൊണ്ടോട്ടി ട്രാവൽസിൽ ബാലികയുടെ മാതാപിതാക്കളും സഹോദരങ്ങളും ബന്ധുക്കളും കയറിയെങ്കിലും കുട്ടിയെ കൂടെ കൂട്ടാൻ ഇവർ മറന്നു. ഭയന്ന് കരഞ്ഞുകൊണ്ട് നിന്ന കുട്ടിയെ കണ്ട നാട്ടുകാരിലൊരാൾ ബസ് സ്റ്റാഡിലും മുണ്ടക്കയം പോലീസിലും വിവരമറിയിക്കുകയായിരുന്നു.
തുടർന്ന് കുട്ടിയുടെ ബന്ധുക്കൾ പാതിവഴിയിൽ ബാലികയുടെ പിതാവിനെ ബസുകാർ കണ്ടെത്തുകയും തിരികെ കാഞ്ഞിരപ്പള്ളിയിലേക്ക് അയക്കുകയും ചെയ്തു. തുടർന്ന് മാതാപിതാക്കൾ പെൺകുട്ടിയെ ബസ് സ്റ്റാൻഡിൽ എത്തി കൂട്ടിക്കൊണ്ടു പോവുകയും ആയിരുന്നു.
വിവിധഭാഷ തൊഴിലാളികളായ മാതാപിതാക്കൾക്കൊപ്പം എത്തിയ ബാലികയ്ക്ക് ഭാഷ അറിയാത്തതിനാൽ കാര്യങ്ങൾ പറഞ്ഞ് മനസ്സിലാക്കാനും നാട്ടുകാർ ഏറെ വിഷമിച്ചു.
