തിരുവനന്തപുരം: ഗീവർഗീസ് മാർ കൂറിലോസ് മെത്രാപ്പൊലീത്തയ്ക്ക് എതിരായ വിവരദോഷി പരാമർശത്തിൽ മുഖ്യമന്ത്രിയെ പരിഹസിച്ച് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ. മുൻ ഭദ്രാസനാധിപൻ ഡോ. ഗീവർഗീസ് മാർ കൂറിലോസിനെ മുഖ്യമന്ത്രി അധിക്ഷേപിച്ചത് ക്രൈസ്തവ സഭയോടുള്ള അദ്ദേഹത്തിന്റെയും പാർട്ടിയുടെയും ഇരട്ട നീതിയുടെ തെളിവാണെന്നും കെ സുരേന്ദ്രനൻ പറഞ്ഞു. ക്രൈസ്തവ പുരോഹിതനെ മുഖ്യമന്ത്രി വിവരദോഷിയെന്ന് വിളിച്ചത് ഞെട്ടിക്കുന്നതാണെന്നും സുരേന്ദ്രൻ പറഞ്ഞു.
ഹിന്ദു ദൈവങ്ങളെ പോലെ തന്നെ ക്രൈസ്തവ വിശ്വാസങ്ങളെയും അപമാനിക്കുന്ന രീതി സിപിഎം തുടരുകയാണ്. നേരത്തെ താമരശ്ശേരി ബിഷപ്പിനെ നികൃഷ്ട ജീവിയെന്ന് വിളിച്ച വ്യക്തിയാണ് മുഖ്യമന്ത്രി എന്നും അദ്ദേഹം ചൂണ്ടിക്കാട്ടി.
ലോക്സഭാ തിരഞ്ഞെടുപ്പിൽ തൃശ്ശൂർ മണ്ഡലത്തിൽ നിന്നും സുരേഷ് ഗോപി വിജയിച്ചതിന് പിന്നാലെ ക്രിസ്തുവേദനെ അവഹേളിച്ചതാണ് ഇടത് നേതാക്കൾ. ക്രിസ്തുദേവന്റെ ചിത്രം മോർഫ് ചെയ്ത് പ്രചരിപ്പിച്ചാണ് അവഹേളിച്ചത്. ബിജെപി നിയുക്ത എംപി സുരേഷ് ഗോപിയുടെ മുഖം ചേർത്തുവച്ചാണ് ഇവർ യേശുവിന്റെ ചിത്രം പ്രചരിപ്പിച്ചത്. റെജി ലൂക്കോസ് ഉൾപ്പെടെയുള്ള നേതാക്കളാണ് സമൂഹമാദ്ധമങ്ങളിലൂടെ ക്രിസ്തു ദേവനെ അവഹേളിച്ച് രംഗത്ത് എത്തിയിരുന്നത്. ഇതെല്ലാം ക്രൈസ്തവരെ അപമാനിക്കുന്നതിനായി ഇടത്പക്ഷക്കാർ മനഃപൂർവം ചെയ്യുന്നതാണ് എന്നും അദ്ദേഹം കൂട്ടിച്ചേർത്തു.
Discussion about this post