തിരുവനന്തപുരം : മിൽമയിലെ തൊഴിലാളികൾ സമരത്തിലേക്ക്. തിങ്കളാഴ്ച അർദ്ധരാത്രി മുതൽ സമരം ആരംഭിക്കും എന്നാണ് തൊഴിലാളികൾ വ്യക്തമാക്കിയിട്ടുള്ളത്. ശമ്പള പരിഷ്കരണം ആവശ്യപ്പെട്ടാണ് സമരം. എല്ലാ ട്രേഡ് യൂണിയനുകളും സംയുക്തമായി സമരത്തിൽ പങ്കെടുക്കും എന്നാണ് ട്രേഡ് യൂണിയൻ നേതാക്കൾ അറിയിക്കുന്നത്.
ശമ്പള പരിഷ്കരണ വിഷയവുമായി ബന്ധപ്പെട്ട് മിൽമ മാനേജ്മെന്റിന് നോട്ടീസ് നൽകി രണ്ടാഴ്ച കഴിഞ്ഞിട്ടും ഡയറക്ടർ ബോർഡ് യാതൊരു ചർച്ചയ്ക്കും തയ്യാറാകുന്നില്ല എന്ന് ട്രേഡ് യൂണിയനുകൾ കുറ്റപ്പെടുത്തി. ഐഎൻടിയുസി നേതാവ് ചന്ദ്രശേഖരൻ, എഐടിയുസി നേതാവ് അഡ്വക്കേറ്റ് മോഹൻദാസ്, സിഐടിയു നേതാവ് എബി സാബു എന്നീ ട്രേഡ് യൂണിയൻ നേതാക്കൾ സംയുക്തമായാണ് സമരപ്രഖ്യാപനം നടത്തിയിട്ടുള്ളത്.
Discussion about this post