അങ്കാറ : തുർക്കിയിൽ നടക്കുന്ന അമ്പെയ്ത്ത് ലോകകപ്പിൽ ഇന്ത്യൻ റികർവ് മിക്സഡ് ടീം വെങ്കലം കരസ്ഥമാക്കി. ധീരജ് ബൊമ്മദേവരയും ഭജൻ കൗറും അടങ്ങുന്ന ടീം ആണ് നേട്ടം കൊയ്തത്. സെമി ഫൈനലിൽ ദക്ഷിണകൊറിയക്കെതിരെ ആയിരുന്നു ഇന്ത്യൻ ടീം മത്സരിച്ചിരുന്നത്.
ടൂർണമെൻ്റിൽ ഇതുവരെ മൂന്ന് മെഡലുകൾ ആണ് ഇന്ത്യ നേടിയിട്ടുള്ളത്. കോമ്പൗണ്ട് കാറ്റഗറിയിലെ വ്യക്തിഗത ഇനത്തിൽ ഇന്ത്യൻ താരം പ്രിയാൻഷു വെള്ളിയും ടീം മത്സരങ്ങളിൽ ഇന്ത്യൻ വനിതാ ടീം സ്വർണ്ണവും കരസ്ഥമാക്കിയിരുന്നു. ഇന്ത്യൻ താരങ്ങളായ ധീരജും അങ്കിത ഭഗത്തും വ്യക്തിഗത ഇനത്തിൽ സെമി ഫൈനലിലേക്ക് യോഗ്യത നേടിയിട്ടുള്ളതിനാൽ രണ്ട് മെഡൽ നേട്ടങ്ങൾക്ക് കൂടി ഇന്ത്യയ്ക്ക് സാധ്യതയുണ്ട്.
റികർവ് മിക്സഡ് കാറ്റഗറി സെമിഫൈനലിൽ രണ്ടാം സ്ഥാനക്കാരായ ദക്ഷിണ കൊറിയയ്ക്കെതിരെ നടന്ന ഇഞ്ചോടിഞ്ച് പോരാട്ടത്തിൽ 3-5ന് തോൽവി ഏറ്റുവാങ്ങിയാണ് ഇന്ത്യ വെങ്കലം നേടിയത്. അമ്പെയ്ത്ത് ലോകകപ്പ് സ്റ്റേജ് 3 ൽ മെക്സിക്കോയെ തകർത്താണ് ഇന്ത്യ സെമി ഫൈനലിൽ പ്രവേശിച്ചിരുന്നത്.
Discussion about this post