നമ്മുടെ സംസ്ഥാനത്തിന്റെ ഔദ്യോഗിക ഫലമായ ചക്കയും ചക്കവിഭവങ്ങളും മലയാളിയ്ക്ക് ഏറെ പ്രിയമാണ്. പണ്ട് മുതൽക്കേ ചക്കയോട് ഒരിഷ്ടക്കൂടുതൽ നമുക്കുണ്ട്. എന്നാലീ ഇഷ്ടം ചക്കക്കുരുവിനോടും കൂടെ ആയിക്കോളൂ. കാരണം ഒരുപാടാണ്.പഴത്തേക്കാൾ എത്രയോ ഇരട്ടി പോഷകങ്ങളാണ് ചക്കക്കുരുവിൽ ഉള്ളതത്രേ. ഇവയിൽ തയാമിൻ, റൈബോഫ്ലേവിൻ എന്നിവ ധാരാളമായി അടങ്ങിയിട്ടുണ്ട്.കഴിക്കുന്ന ഏതൊരു ഭക്ഷണത്തെയും ഊർജ്ജമാക്കി മാറ്റാനുള്ള പ്രത്യേക കഴിവുണ്ട്.സിങ്ക്, അയൺ കാൽസ്യം, ചെമ്പ്, പൊട്ടാസ്യം, മഗ്നീഷ്യം തുടങ്ങിയ ശരീരത്തിന് ആവശ്യമായ ഒട്ടുമിക്ക ധാതുക്കളും ചക്കക്കുരുവിൽ നിന്ന്് കണ്ടെത്താനാവും.ചക്കക്കുരുവിൽ ആന്റി മൈക്രോബയൽ ഫലങ്ങളുള്ള സംയുക്തങ്ങൾ ധാരാളമുണ്ട്.
ചർമ്മത്തിൽ ഉണ്ടാകുന്ന ചുളിവുകളെ ഒഴിവാക്കാൻ ചക്കക്കുരു ഏറ്റവും മികച്ചതാണ്. ഇതിനുള്ള മിശ്രിതം തയ്യാറാക്കാനായി ഒരു ചക്കക്കുരു തണുത്ത പാലിനോടൊപ്പം ചേർത്ത് കുറച്ച് നേരം മിക്സറിലിട്ട് പൊടിക്കുക. നേർത്ത വരകളെയും ചർമ്മത്തിലുണ്ടാകുന്ന ചുളിവുകളെയും അകറ്റി നിർത്താനായി പതിവായി ഈ പേസ്റ്റ് മുഖത്ത് പുരട്ടാം. ചർമ്മത്തിന്റെ യുവത്വം നിലനിർത്താൻ ഇത് സഹായിക്കുന്നു.ചക്കക്കുരു, പാലും തേനും തുല്യ അളവിലെടുത്ത മിശ്രിതത്തിൽ മുക്കിവയ്ക്കുക. ഇത് മിക്സിയിൽ അരച്ചെടുത്ത് നിങ്ങളുടെ മുഖത്ത് തുല്യമായി പുരട്ടി പൂർണ്ണമായും ഉണങ്ങി എന്ന് ഉറപ്പ് വരുത്തിയ ശേഷം ഇളം ചൂടുള്ള വെള്ളത്തിൽ കഴുകി കളയുക. ചർമ്മരോഗങ്ങളെ കൈകാര്യം ചെയ്യുന്നതിന് ഏറ്റവും മികച്ചതാണ് ചക്കക്കുരു. രോഗങ്ങളെ അകറ്റി നിർത്തി കൊണ്ട് ചർമ്മത്തിൽ എല്ലായ്പ്പോഴും ഈർപ്പം നിലനിർത്താൻ ഇത് സഹായിക്കുന്നു. മുടിയുടെ ആരോഗ്യത്തെ സംരക്ഷിച്ചു നിർത്തുന്ന എല്ലാ പോഷകങ്ങളും ചക്കക്കുരുവിൽ അടങ്ങിയിട്ടുണ്ട്.
പൊട്ടാസ്യം ധാരാളം അടങ്ങിയതാണ് ചക്കക്കുരു. ഇത് ഉയർന്ന രക്തസമ്മർദ്ദത്തെ നിയന്ത്രിക്കാനും ഹൃദയരോഗം സംരക്ഷിക്കാനും സഹായിക്കുന്നു.ചക്കക്കുരുവിൽ പൊട്ടാസ്യം അടങ്ങിയിട്ടുണ്ട്. അതിനാൽ ശരീരത്തിന് ആവശ്യമായ പ്രോട്ടീൻ നേടാൻ ധൈര്യമായി ചക്കക്കുരു കഴിക്കാം. വിളർച്ച പലരെയും ബാധിക്കുന്ന ആരോഗ്യ പ്രശ്നമാണ്. ചക്കക്കുരുവിൽ അയേൺ ധാരാളം അടങ്ങയിട്ടുള്ളതിനാൽ വിളർച്ച കുറയ്ക്കാൻ സാധിക്കും.
വിറ്റാമിനുകൾ എ, സി തുടങ്ങിയ അവശ്യ പോഷകങ്ങളും ചക്ക കുരുവിന്റെ ആൻറി ബാക്ടീരിയൽ, ആൻറി വൈറൽ ഗുണങ്ങളും നിങ്ങളുടെ പ്രതിരോധശേഷി വർദ്ധിപ്പിക്കുന്നു.ഇവയെല്ലാം ചേർന്ന് നിങ്ങളുടെ ശരീരത്തെ അണുബാധകളിൽ നിന്ന് സംരക്ഷിക്കുന്നു.ചക്കയിൽ അടങ്ങിയിരിക്കുന്ന ജാക്കലിൻ എന്ന പ്രോട്ടീൻ എച്ച്ഐവി വൈറസിനെതിരെ നിങ്ങളുടെ ശരീരത്തിന്റെ പ്രതിരോധശേഷി ശക്തിപ്പെടുത്തുന്നു.ഫംഗസ്, വൈറൽ, ബാക്ടീരിയ അണുബാധകൾക്കെതിരെയും ഇത് ഫലപ്രദമാണ്,
അധിക അളവിൽ കഴിച്ചാൽ മറ്റ് പല ഭക്ഷണവും പോലെ തന്നെ ചക്കക്കുരുവും ദഹപ്രശ്നമുണ്ടാക്കും. കഴിവതും കറിയാക്കിയോ, ആവിയിൽ വേിക്കുന്ന വിഭവങ്ങളിൽ ചേർത്തോ കഴിക്കുന്നതാണ് ഉത്തമം. ഉണക്കി പൊടിയാക്കി ഉപയോഗിക്കാം.
