കൊച്ചി: ചെറുകിട സംരംഭകരെ സഹായിക്കുന്നതിനായി (എംഎസ്എംഇ) വെബ് അധിഷ്ഠിത ഡിജിറ്റൽ ബിസിനസ് വായ്പയായ എംഎസ്എംഇ സഹജ് അവതരിപ്പിച്ച് സ്റ്റേറ്റ് ബാങ്ക് ഓഫ് ഇന്ത്യ. ലഭ്യമായ വിവരങ്ങളുടെ അടിസ്ഥാനത്തിൽ വിലയിരുത്തൽ നടത്തി15മിനിറ്റുകൾ മാത്രമെടുത്ത് ബാങ്ക് വായ്പ്പാ ലഭ്യമാക്കുന്ന രീതിയാണ് സ്റ്റേറ്റ് ബാങ്ക് നടപ്പിലാക്കുന്നത്.
“എം എസ് എം ഇ സഹജ്” പദ്ധതി ഉപയോഗിച്ച് സ്റ്റേറ്റ് ബാങ്കിന്റെ ബാങ്കിൻ്റെ ഉപഭോക്താക്കൾക്ക് 15 മിനിറ്റിനുള്ളിൽ അവരുടെ ജിഎസ്ടി രജിസ്റ്റർ ചെയ്ത സെയിൽസ് ഇൻവോയ്സുകളിൽ നിന്ന് ഒരു ലക്ഷം രൂപ വരെയുള്ള ധനസഹായം ലഭിക്കുമെന്ന് എസ്ബിഐ അറിയിച്ചു.
ജിഎസ്ടി വ്യവസ്ഥയുടെ ഭാഗമായ മൈക്രോ എസ്എംഇ യൂണിറ്റുകൾക്ക് പ്രവർത്തന മൂലധന ആവശ്യങ്ങൾക്കായി “ഉടനടി ” ഹ്രസ്വകാല വായ്പ നൽകുക എന്നതാണ് പദ്ധതിയുടെ ലക്ഷ്യം.
ജിഎസ്ടിഐഎൻ, ഉപഭോക്താവിന്റെ ബാങ്ക് സ്റ്റേറ്റ്മെൻറ്, സിഐസി ഡാറ്റാബേസ് തുടങ്ങിയവ വിലയിരുത്തിയാണ് വായ്പ നൽകുന്നത്. നിലവിലുള്ള എസ്ബിഐ ഉപഭോക്താക്കൾക്ക് യോനോ ആപ്പ് വഴിയും ഈ സേവനം ലഭിക്കും.ചെറുകിട സംരംഭങ്ങൾക്ക് വേഗത്തിൽ സുഗമമായി വായ്പ നൽകാനാണ് എംഎസ്എംഇ സഹജ് വഴി ലക്ഷ്യമിടുന്നതെന്ന് എസ്ബിഐ ചെയർമാൻ ദിനേശ് ഖാര പറഞ്ഞു.
വായ്പ അപേക്ഷ,ഡോക്യുമെന്റേഷൻ,വായ്പ അനുവദിക്കൽ,വിതരണം തുടങ്ങിയവയെല്ലാം മനുഷ്യ ഇടപെടൽ ഇല്ലാതെയാണ് നടത്തുക. വായ്പ അവസാനിപ്പിക്കുന്നതും ഡിജിറ്റൽ രീതിയിൽ തന്നെ
Discussion about this post