ന്യൂയോർക്ക്: ഭൂമിയെ ലക്ഷ്യമിട്ട് കൂടുതൽ ഛിന്നഗ്രഹങ്ങൾ പാഞ്ഞടുക്കുന്നുവെന്ന മുന്നറിയിപ്പുമായി നാസ. ഗവേഷകർ ഇതിന്റെ സഞ്ചാരം സൂക്ഷ്മമായി നിരീക്ഷിക്കുകയാണ് എന്നും നാസ വ്യക്തമാക്കി. അടുത്ത ആഴ്ച ഈ അഞ്ച് ഛിന്നഗ്രഹങ്ങളും ഭൂമിയ്ക്ക് തൊട്ടരികിലായി എത്തും.
2020 ആർഎൽ, 2021 ആർഎ 10, 2012 എസ്എക്സ് 49, 2016 ആർജെ 20, 2021 ടിജെ എന്നിങ്ങനെ പേര് നൽകിയിരിക്കുന്ന ഛിന്നഗ്രഹങ്ങൾ ആണ് ഭൂമിയെ ലക്ഷ്യമിട്ട് എത്തുന്നത്. ഓഗസ്റ്റ് 27, സെപ്തംബർ 1 എന്നീ ദിവസങ്ങളിൽ ആകും ഇവ ഭൂമിയ്ക്ക് സമീപം എത്തുക. ഭൂമിയിൽ ഇവ പതിയ്ക്കാനുള്ള സാദ്ധ്യതയും ഗവേഷകർ തള്ളിക്കളയുന്നില്ല. അതിനാലാണ് ഇവയുടെ സഞ്ചാരം സൂക്ഷ്മമായി നിരീക്ഷിക്കുന്നത്.
2020 ആർഎൽ ആണ് ആദ്യമായി ഭൂമിയ്ക്ക് സമീപം എത്തുക. ഈ മാസം 27 ന് ആകും ഇത് ഭൂമിയ്ക്ക് സമീപം എത്തുക. 110 അടിയുള്ള ഈ ഛിന്നഗ്രഹം ഭൂമിയിൽ നിന്നും 46 ലക്ഷം കിലോ മീറ്റർ അകലെയായി എത്തും. 92 അടിയുള്ള 2021 ആർഎ 10 ആകും 28 ന് എത്തുക. ഇവ ഭൂമിയിൽ നിന്നും 26.11 ലക്ഷം കിലോ മീറ്റർ അകലത്തിലൂടെയാകും കടന്നു പോകുക എന്നാണ് നിഗമനം.
2012 എസ്എക്സ് 49 ഓഗസ്റ്റ് 29 നാകും ഭൂമിയ്ക്ക് സമീപം എത്തുക. ഭൂമിയിൽ നിന്നും 42.9 ലക്ഷം കില മീറ്റർ അകലെയായി ഇത് കടന്നുപോകും. 2016 ആർജെ 20 ഓഗസ്റ്റ് 30 നും, 2021 ടിജെ സെപ്തംബർ 1നും ഭൂമിയ്ക്ക് സമീപം എത്തും. 2016 ആർജെ 20 ഭൂമിയിൽ നിന്നും 69.9 ലക്ഷം കിലോ മീറ്റർ അടുത്ത് കൂടിയും, 2021 ടിജെ 63.6 ലക്ഷം കിലോമീറ്റർ അടുത്ത് കൂടിയുമാകും കടന്നുപോകുക.
Discussion about this post