അമ്മയുടെ പ്രസിഡന്റ് സ്ഥാനത്തേക്ക് മകൻ പൃഥ്വിരാജ് എത്തുന്നതിൽ ആഗ്രഹമില്ലെന്ന് നടി മല്ലിക സുകുമാരൻ. പൃഥ്വി അമ്മയുടെ പ്രസിഡണ്ട് ആകണം എന്നൊക്കെ പറയുന്നത് ചുമ്മാതെയാണ് എന്ന് മല്ലിക സുകുമാരൻ പറഞ്ഞു.
എന്റെ മോൻ അതിലൊന്നും പോകേണ്ട. തീരുമാനങ്ങൾ അവനു വിട്ടുകൊടുക്കുന്നു. അവൻ ജോലിചെയ്ത് മര്യാദയ്ക്ക് ജീവിക്കട്ടെ. നമുക്ക് സ്ഥാനമാനങ്ങളോടൊന്നും അതിമോഹമില്ലെന്ന് മല്ലിക സുകുമാരൻ കൂട്ടിച്ചേർത്തു.
ഇതുപോലെ ഒരു വിലക്ക് നേരിട്ട് ആളാണ് സുകുവേട്ടനും. അതാണ് ചിരിക്കേണ്ട സംഭവം. എന്തിനാണ് വിലക്കിയതെന്ന് ചോദിച്ചാൽ, അമ്മയുടെ ബൈലോ ശരിയല്ല എന്ന് സുകുവേട്ടൻ പ്രസംഗിച്ചു. നുണ പറയാൻ ഞാനില്ല. പൃഥ്വിയെ അമ്മ വിലക്കിയിട്ടുണ്ട്. ഇന്നത്തെ പേരുകളിൽ ഉള്ള രണ്ടു മൂന്നു പേർ പൃഥ്വിരാജിനെതിരെ മുദ്രാവാക്യം വിളിച്ചു. വിനയന്റെ സിനിമ വേണ്ടെന്നു വയ്‌ക്കണമെന്നായിരുന്നു നിർദ്ദേശം”.
“നിയമം അറിയാവുന്ന മനുഷ്യനാണ് സുകുവേട്ടൻ. അദ്ദേഹം ബൈലോ ശരിയല്ലെന്ന് പറഞ്ഞതിനാണ് സുകുവേട്ടനെ വിലക്കിയത്. ഇങ്ങനെയൊക്കെ വിലക്കിയ ഒരു സംഘടനയാണ് അമ്മ. പൃഥ്വി അമ്മയുടെ പ്രസിഡന്റ് ആകണം എന്നൊക്കെ പറയുന്നത് ചുമ്മാതെയാണ് എന്ന് മല്ലിക പറഞ്ഞു.
Discussion about this post