ധാക്ക; ബംഗ്ലാദേശിലെ സ്ഥിതിഗതികളിൽ ആശങ്ക രേഖപ്പെടുത്തി ഓസ്ട്രേലിയൻ മന്ത്രി ക്രിസ് ബോവൻ. വംശീയ-മതന്യൂനപക്ഷങ്ങൾ നേരിടുന്ന അക്രമങ്ങളും വെല്ലുവിളികളും അദ്ദേഹം ഊന്നിപ്പറഞ്ഞു.ഞാൻ തുടക്കത്തിൽ പറഞ്ഞതുപോലെ, എല്ലാ ബംഗ്ലാദേശികൾക്കും നേരെയുള്ള എല്ലാ അക്രമങ്ങളും അപലപനീയമാണെന്ന് അദ്ദേഹം ഓസ്ട്രേലിയൻ പാർലമെന്റിൽ നടന്ന ഒരു സമ്മേളനത്തിൽ പറഞ്ഞു.
ബംഗ്ലാദേശ്സർക്കാരിന്റെ പതനവും തുടർന്നുള്ള അക്രമങ്ങളും ഉൾപ്പെടെ സമീപകാല സംഭവങ്ങൾ സസൂക്ഷ്മം വീക്ഷിക്കുന്നുണ്ടെന്ന് അദ്ദേഹം അഭിപ്രായപ്പെട്ടു.725 വീടുകൾക്കും വ്യാപാര സ്ഥാപനങ്ങൾക്കും കേടുപാടുകൾ സംഭവിച്ചു, 724 എണ്ണം കൊള്ളയടിക്കപ്പെട്ടു, 58 എണ്ണം അഗ്നിക്കിരയാക്കി, 17 ആരാധനാലയങ്ങൾക്ക് കേടുപാടുകൾ വരുത്തി, 21 എണ്ണം കൊള്ളയടിക്കപ്പെട്ടു എന്നിങ്ങനെ വ്യാപകമായ നാശനഷ്ടങ്ങൾ, കൊള്ളകൾ, ആക്രമണങ്ങൾ എന്നിവയുടെ റിപ്പോർട്ടുകൾ ബോവൻ പാർലമെന്റിൽ വ്യക്തമാക്കി.
ബംഗ്ലാദേശിലെ മതപരവും വംശീയവുമായ ന്യൂനപക്ഷങ്ങൾക്കെതിരായ പ്രത്യേക ആക്രമണങ്ങളെ അദ്ദേഹം വിമർശിച്ചു. താനും വെസ്റ്റേൺ സിഡ്നിയിൽ നിന്നുള്ള മറ്റ് സഹപ്രവർത്തകരും ഈ ആശങ്കകൾ വിദേശകാര്യ മന്ത്രി പെന്നി വോങ്ങിനോട് ഉന്നയിച്ചിട്ടുണ്ടെന്നും ഈ പ്രശ്നങ്ങൾ പരിഹരിക്കാൻ പദ്ധതിയിട്ടിട്ടുണ്ടെന്നും അദ്ദേഹം വ്യക്തമാക്കി.2021ലെ ദുർഗ്ഗാ പൂജയ്ക്കിടെയടക്കം ന്യൂനപക്ഷങ്ങൾക്കെതിരായ മുൻകാല അക്രമ സംഭവങ്ങളും ബോവൻ ചൂണ്ടിക്കാട്ടി.
Discussion about this post