ഗൃഹാതുരത്വത്തിന്റെ ഓർമ്മകളും പൂക്കളവും പുത്തരിയും പുത്തനുടുപ്പുമായി ഒരോണം കൂടി വന്നണഞ്ഞിരിക്കുകയാണ്. ചിങ്ങ മാസത്തിലെ തിരുവോണ നക്ഷത്രത്തിലാണ് ഓണം ആഘോഷിക്കുന്നത്. നാടും നഗരവും പ്രവാസി മലയാളികളും കൈ മെയ് മറന്നു കൊണ്ട് ആഘോഷ ലഹരിയിലാണ്.
കാണം വിറ്റും ഓണമുണ്ണണം എന്ന വാക്കുകളെ അന്വർഥമാക്കി കൊണ്ട്, പ്രതിസന്ധികളും ഇല്ലായ്മകളും മറന്നാണ് മലയാളികൾ ഓണദിനം ആഘോഷിക്കുന്നത്. പൂക്കളവും പുത്തനുടുപ്പും സദ്യവട്ടവും കൂടിച്ചേരലും എല്ലാമായി നിറഞ്ഞ സന്തോഷത്തിന്റെ ഓണമാണ് ഇത്തവണയും.
അല്ലലില്ലാതെ, ഐക്യത്തോടെ കഴിഞ്ഞ നാളുകളുടെ നല്ല ഓർമയിൽ, മഹാബലിയെ വരവേൽക്കുന്ന ദിവസത്തിൽ ഒത്തുചേരലിന്റെ സ്നേഹം പങ്കിടാന്‍ വീടുകളൊരുങ്ങി കഴിഞ്ഞിരിക്കുന്നു. എല്ലാവര്ക്കും സമ്പൽ സമൃദ്ധിയും നിറഞ്ഞ സന്തോഷവും നൽകി കൊണ്ട് ഈ ഓണവും കടന്നു പോകട്ടെ. ഏവർക്കും ഹൃദയം നിറഞ്ഞ ഓണാശംസകൾ…
Discussion about this post