എറണാകുളം: സിനിമയിൽ അവസരം വാഗ്ദാനം ചെയ്‌ത്‌ പീഡിപ്പിച്ചെന്ന യുവതിയുടെ പരാതിയിൽ യുവസംവിധായകൻ അറസ്റ്റിൽ. മലപ്പുറം പൂച്ചാൽ കല്ലറമ്മൽ വീട്ടിൽ എ.ഷാജഹാനെ(31) ആണ് അറസ്റ്റ് ചെയ്തത്. കണ്ണൂർ സ്വദേശിയായ യുവതിയുടെ പരാതിയിലാണ് നടപടി. പാലാരിവട്ടം പോലീസ് ആണ് പ്രതിയെ അറസ്റ്റ് ചെയ്തത്.
‘ജെയിംസ് കാമറൂൺ’ എന്ന ചിത്രത്തിന്റെ സംവിധായകനും പല ചിത്രങ്ങളിലും അസിസ്റ്റന്റ് ഡയറക്‌ടറായും ജോലി നോക്കിയിട്ടുള്ള ആളാണ് ഷാജഹാൻ. ഇയാൾ സംവിധാനം ചെയ്ത ചിത്രത്തിൽ യുവതി അഭിനയിച്ചിരുന്നു. എന്നാല്‍, ചിത്രം പുറത്തിറങ്ങിയില്ല.
യുവതിയെ വിവാഹം ചെയ്യാമെന്ന് വാഗ്ദാനം ചെയ്ത ഇയാൾ യുവതിക്കൊപ്പം വെണ്ണലയില്‍ ആയിരുന്നു താമസം. എന്നാൽ, ഇയാൾ വിവാഹിതനാണെന്ന വിവരം ഇതിനിടെ യുവതി അറിഞ്ഞു. ഇതോടെയാണ് യുവതി പരാതി നല്‍കിയത്.
ബലാത്സംഗം, ഭീഷണിപ്പെടുത്തല്‍, വഞ്ചന, ആയുധം ഉപയോഗിച്ച് മുറിവേൽപ്പിക്കൽ തുടങ്ങി വിവിധ വകുപ്പുകൾ ചേർത്താണ് ഷാജഹാനെതിരെ പോലീസ് കേസെടുത്തത്.
Discussion about this post