നീ പണ്ട് ഇങ്ങനെ അല്ലായിരുന്നു..ചിലർ തമ്മിൽ വഴക്ക് കൂടുമ്പോൾ പറയുന്നത് കേൾക്കാറില്ലേ.. പണ്ട് നീ ഈ വ്യക്തിയെ അല്ലായിരുന്നു,ആളാകെ മാറിപ്പോയെന്ന്… ഇനി ഈ വിമർശനം കേൾക്കുമ്പോൾ ധൈര്യമായി അതെ ഞാൻ പണ്ടത്തെ വ്യക്തിയേ അല്ലെന്ന് പറഞ്ഞോളൂ. ശാസ്ത്രീയമായി നോക്കുകയാണെങ്കിൽ കഴിഞ്ഞ 10 മിനിറ്റ് മുൻപത്തെ വ്യക്തിയേ അല്ല നിങ്ങളിപ്പോൾ നാമറിയാതെ തന്നെ നൂറുകണക്കിന് മാറ്റങ്ങളാണ് നമ്മുടെ ശരീരത്തിൽ നടക്കുന്നത്.
നിരന്തം മാറ്റങ്ങൾ വരുന്നതാണ് നമ്മുടെ ശരീരം. കോശങ്ങൾ എപ്പോഴും നിർമ്മിക്കപ്പെടുന്നു. കൂടാതെ നശിക്കപ്പെടുകയും ചെയ്യുന്നു. കോശങ്ങൾ എപ്പോഴും പുനരുജ്ജീവിപ്പിക്കുന്നുണ്ടെങ്കിലും, ചില ഭാഗങ്ങളിൽ പ്രക്രിയ മന്ദഗതിയിലായിരിക്കും. ഉദാഹരണത്തിന്, എല്ലുകൾക്ക് പൂർണ്ണമായി പുനരുജ്ജീവിപ്പിക്കാൻ 10 വർഷം വരെ ആവശ്യമാണ്. പ്രായമാകുമ്പോൾ, അസ്ഥികളുടെ പുനരുജ്ജീവനം മന്ദഗതിയിലാവുകയും നമ്മുടെ അസ്ഥികൾ ദുർബലമാവുകയും ചെയ്യുന്നു.അത്ഭുതം തോന്നുന്നുണ്ടോ? എന്നാൽ ഇത് കൂടി കേട്ടാൽ നിങ്ങൾ ഞെട്ടും.
ഓരോ 7-10 വർഷത്തിലും, പുതിയ അവയവങ്ങളും ടിഷ്യുകളും ഉള്ള ഒരു പുതിയ ശരീരം നിങ്ങൾക്ക് ലഭിക്കുമത്രേ. ഓരോ 4 ദിവസത്തിലും നിങ്ങളുടെ ആമാശയം സ്വയം പുനരുജ്ജീവിപ്പിക്കുന്നു. ഭക്ഷണം ദഹിപ്പിക്കാൻ സഹായിക്കുന്ന ആമാശയ കോശങ്ങൾ ഓരോ 5 മിനിറ്റിലും മാറ്റപ്പെടും. ഓരോ 150 ദിവസത്തിലും നിങ്ങൾക്ക് ഒരു പുതിയ കരൾ ലഭിക്കും. എപ്പിഡെർമിസ് എന്നറിയപ്പെടുന്ന ചർമ്മത്തിന്റെ മുഴുവൻ പുറം പാളിയും ഓരോ 4 ആഴ്ചയിലും സ്വയം മാറ്റിസ്ഥാപിക്കുന്നു.
നമ്മുടെ പാൻക്രിയാസ്, ഓരോ 50 ദിവസത്തിലും പുതുതായി മാറുന്നു. ഓരോ 4 മാസത്തിലും, നിങ്ങളുടെ ശരീരത്തിലുടനീളം ഒരു പുതിയ ചുവന്ന രക്താണുക്കൾ ഉണ്ടാവുന്നു. നമ്മുടെ രുചി മുകുളങ്ങൾ ഓരോ 10 ദിവസത്തിലും മാറ്റപ്പെടും.മനുഷ്യശരീരത്തിന്റെ ഈ അവിശ്വസനീയമായ പുനരുജ്ജീവന ശേഷി ഉണ്ടായിരുന്നിട്ടും, നിങ്ങളുടെ ശരീരത്തിന്റെ ചില ഭാഗങ്ങൾ ഒരിക്കലും മാറ്റിസ്ഥാപിക്കില്ല.ഓരോ 10 ദിവസത്തിലും നിങ്ങളുടെ രുചി മുകുളങ്ങൾ മാറ്റിസ്ഥാപിക്കപ്പെടുന്നു, പക്ഷേ നിങ്ങൾ മുമ്പ് രുചിച്ച രുചികരമായ ഭക്ഷണത്തിന്റെ ഓർമ്മ എപ്പോഴും ഉണ്ടാകും. അത് കൊണ്ട് തന്നെ രുചി നന്നമൾ മറക്കില്ല.
