കൊച്ചി:ചോദിച്ച ചോദ്യങ്ങൾക്ക് ഉത്തരം പറഞ്ഞില്ലെന്ന കാരണത്താൽ മൂന്ന് വയസ്സുകാരനായ നഴ്സറി വിദ്യാർത്ഥിയെ ക്രൂരമായി മർദ്ദിച്ച് അധ്യാപിക. കൊച്ചി മട്ടാഞ്ചേരിയിൽ പാലസ് റോഡിലെ സ്മാർട്ട് കിഡ് എന്ന സ്ഥാപനത്തിൽ പഠിച്ചു കൊണ്ടിരിക്കുന്ന പ്ലേസ്കൂൾ വിദ്യാർത്ഥിക്കാണ് ക്രൂരമർദനം ഏൽക്കേണ്ടിവന്നത്. സീതാലക്ഷ്മി എന്ന അധ്യാപികയാണ് ഈ ക്രൂരകൃത്യം ചെയ്തത്.
ക്ലാസ് മുറിയിൽവച്ച് താൻ ചോദിച്ച ചോദ്യങ്ങൾക്ക് ശരിയായ ഉത്തരം പറഞ്ഞില്ലെന്നാരോപിച്ച് കുട്ടിയെ രൂക്ഷമായി മർദിക്കുകയായിരുന്നു. ഇതേ തുടർന്ന് കുട്ടി മാതാപിതാക്കളോടൊപ്പം ആശുപത്രിയിൽ ചികിത്സതേടി. സംഭവവുമായി ബന്ധപ്പെട്ട് അധ്യാപികയെ പോലീസ് പൊലീസ് അറസ്റ്റു ചെയ്തിട്ടുണ്ട്.
ബുധനാഴ്ചയാണ് സംഭവം നടന്നത്. സംഭവം നടന്ന ദിവസം തന്നെ രക്ഷിതാക്കൾ പൊലീസ് സ്റ്റേഷനിലെത്തിയെങ്കിലും വ്യാഴാഴ്ചയാണ് മട്ടാഞ്ചേരി പൊലീസിൽ പരാതി നൽകിയത്. കേസെടുത്ത പൊലീസ് അന്വേഷണം ആരംഭിക്കുകയായിരുന്നു. സംഭവം പുറത്തറിഞ്ഞതോടെ അദ്ധ്യാപികയെ സ്കൂൾ അധികൃതർ സസ്‌പെൻഡു ചെയ്തു.
