ആരോഗ്യഗുണങ്ങൾക്കും ഔഷധ ഗുണങ്ങൾക്കും പേരുകേട്ടതാണ് നെല്ലിക്ക . ഇന്ത്യൻ ഗൂസ്‌ബെറി എന്ന ഇംഗ്ലീഷ് നാമത്തിൽ അറിയപ്പെടുന്ന നെല്ലിക്ക പോഷകഗുണങ്ങളുടെ കലവറയാണ്. ജീവകം സി ഏറ്റവും കൂടുതൽ അടങ്ങിയിട്ടുള്ള ഒരു ഫലം കൂടിയാണ് നെല്ലിക്ക. ദിവസവും വെറും വയറ്റിൽ 1 നെല്ലിക്ക ചവച്ചരച്ച് കഴിക്കുന്നത് കൊണ്ട് നിരവധി ഗുണങ്ങളാണ്. അവ എന്തൊക്കെയാണ് എന്ന് അറിയാം.
വിറ്റാമിൻ സി ഏറ്റവും കൂടുതൽ അടങ്ങിയിരിക്കുന്നതാണ് നെല്ലിക്കയിൽ. ഇത് പ്രതിരോധ ശേഷി വർദ്ധിപ്പിക്കുന്നു. രോഗങ്ങൾക്ക് എതിരെ പൊരുതാൻ വിറ്റാമിൻ സി സഹായിക്കുന്നു. സീസണിൽ ഉണ്ടാവുന്ന ചുമ ജലദോഷം എന്നിവയ്‌ക്കെതിരെ പോരാടാൻ ഇത് സഹായിക്കുന്നു.
നെല്ലിക്ക ദഹന എൻസൈമുകളെ ഉത്തേജിപ്പിക്കുകയും കുടലിന്റെ ആരോഗ്യം മെച്ചപ്പെടുത്തുന്നു. ദഹനത്തിനും പോഷകങ്ങൾ ആഗിരണം ചെയ്യുന്നതിനും സഹായിക്കുന്നു. മലബന്ധവും മറ്റ് ദഹനപ്രശ്‌നങ്ങളും തടയാനും ഇത് സഹായിക്കുന്നു.
നെല്ലിക്കയിലെ ആന്റിഓക്സിഡന്റുകളും വിറ്റാമിൻ സിയും കൊളാജൻ ഉൽപാദനത്തെ പ്രോത്സാഹിപ്പിക്കുന്നു. ഇത് ചർമ്മത്തെ ചെറുപ്പമായി നിലനിർത്താനും ചുളിവുകൾ കുറയ്ക്കാനും ചർമ്മത്തിന്റെ മൊത്തത്തിലുള്ള ഘടന മെച്ചപ്പെടുത്താനും സഹായിക്കുന്നു.
നെല്ലിക്ക പതിവായി കഴിക്കുന്നത് മുടി കൊഴിച്ചിൽ കുറയ്ക്കുന്നു. അകാല നര തടയുകയും ചെയ്യുന്നു. ഇത് കഴിക്കുന്നതിലൂടെ ശരീരത്തിൽ ഇരുമ്പിന്റെയും കരോട്ടിന്റെയും അളവ് വർദ്ധിപ്പിക്കുന്നു. ഇത് മുടി വളർച്ചയെ പ്രോത്സാഹിപ്പിക്കുകയും മുടിയുടെ ആരോഗ്യം മെച്ചപ്പെടുത്തുകയും ചെയ്യുന്നു.
ചീത്ത കൊളസ്‌ട്രോൾ (എൽഡിഎൽ) കുറയ്ക്കാനും നല്ല കൊളസ്‌ട്രോൾ (എച്ച്ഡിഎൽ) വർദ്ധിപ്പിക്കാനും നെല്ലിക്ക സഹായിക്കുന്നു. ഇത് ഹൃദ്രോഗ സാധ്യത കുറയ്ക്കും. രക്തസമ്മർദ്ദം നിയന്ത്രിക്കാനും സഹായിക്കുന്നു.
ഉയർന്ന വിറ്റാമിൻ സി അടങ്ങിയിട്ടുള്ളതിനാൽ മെറ്റബോളിസം വർദ്ധിപ്പിക്കുന്നു. ഇതിലെ ഫൈബർ അടങ്ങിയിരിക്കുന്നതിനാൽ വിശപ്പ് കുറയ്ക്കുകയും കലോറി ഉപഭോഗം കുറയ്ക്കുകയും ചെയ്യുന്നു.
നെല്ലിക്കയിലെ കരോട്ടിൻ കാഴ്ച മെച്ചപ്പെടുത്താനും പ്രായവുമായി ബന്ധപ്പെട്ട മാക്യുലർ ഡീജനറേഷൻ സാധ്യത കുറയ്ക്കാനും സഹായിക്കുന്നു. ഇത് ഓക്‌സിഡേറ്റീവ് സമ്മർദ്ദത്തിൽ നിന്ന് കണ്ണുകളെ സംരക്ഷിക്കുകയും കണ്ണിന്റെ മൊത്തത്തിലുള്ള ആരോഗ്യം വർദ്ധിപ്പിക്കുകയും ചെയ്യുന്നു.
നെല്ലിക്ക കഴിക്കുന്നത് കരളിൽ നിന്ന് വിഷവസ്തുക്കളെ നീക്കം ചെയ്യുന്നതിനും കേടുപാടുകൾ തടയുന്നതിനും സഹായിക്കുന്നു. മാത്രമല്ല, ദഹനം മെച്ചപ്പെടുത്തുകയും കരളിൽ അധിക കൊഴുപ്പ് അടിഞ്ഞുകൂടുന്നത് കുറയ്ക്കുകയും ചെയ്യുന്നു.
Discussion about this post