ലക്നൗ: വ്യത്യസ്തത കൊണ്ട് സോഷ്യല്മീഡിയയില് വൈറലായിരിക്കുകയാണ് ് ഒരു വിവാഹ ക്ഷണക്കത്ത്. ഉത്തര്പ്രദേശിലെ ഇറ്റാ ജില്ലയിലെ ബിച്പുരി ഗ്രാമത്തിലെ രോഹിത്തിന്റെയും രജനിയുടെയും വിവാഹത്തിന്റെ ക്ഷണക്കത്താണ് ഇത്.
ഇക്കഴിഞ്ഞ ഏപ്രില് 15നായിരുന്നു ഇവര് തമ്മിലുള്ള വിവാഹം. എന്നാല്, ക്ഷണക്കത്ത് ഇപ്പോഴാണ് സോഷ്യല്മീഡിയയില് വൈറലാകുന്നത്. വൈറലാകാന് കാരണം അതിന്റെ കെട്ടിലും മട്ടിലുമുള്ള പ്രത്യേകത കൊണ്ടല്ല. അതില് എഴുതിയിരിക്കുന്ന ഒരേയൊരു വരി മൂലമാണ്. ക്ഷണിക്കപ്പെട്ടവരുടെ പേരുകള്ക്ക് പുറമേ ഒരാള് വിവാഹത്തില് പങ്കെടുക്കാതെ നോക്കണമെന്നാണ് കത്തില് പറഞ്ഞിരിക്കുന്നത്.
ഉപേന്ദ്ര, കമല്, ഇമ്രാന്, രാജേഷ്, ദല്വീര് തുടങ്ങിയവരെയാണ് കല്യാണത്തിന് ക്ഷണിച്ചിരിക്കുന്നത്. എന്നാല്, അതിനൊപ്പം മറ്റൊരു കുറിപ്പും ഉണ്ടായിരുന്നു. ‘ സൗരഭ് വിവാഹത്തിനെത്തിയാല് കര്ശനമായി തടയണം. അവന് അവിടെ ഉണ്ടാകാന് പാടില്ല. അവനെ എവിടെ കണ്ടാലും ഓടിക്കണം’, എന്നായിരുന്നു കത്തില്. വിവാഹത്തിന് ക്ഷണിക്കാത്തത് മാത്രമല്ല, അയാളെ എവിടെ കണ്ടാലും ഓടിക്കണമെന്ന് കൂടി കണ്ടത് പലരെയും ആശ്ചര്യപ്പെടുത്തി.
ഇതോടെ നിരവധിപേരാണ് തങ്ങളുടെ പരിചയത്തിലുള്ള സൗരഭ് എന്ന് പേരുള്ളവരെ മെന്ഷന് ചെയ്ത് വിവാഹ ക്ഷണക്കത്ത് പങ്കുവച്ചത്. പിന്നാലെ ഇതുമായി ബന്ധപ്പെട്ട് നിരവധി മീമുകളും പുറത്തിറങ്ങി. സൗരഭിന്റെ മുന് കാമുകിയെ ആണോ രോഹിത്ത് വിവാഹം കഴിക്കുന്നതെന്നായിരുന്നു പലരുടെയും ചോദ്യം.
Discussion about this post