ശ്രീനഗർ; കഴിഞ്ഞ ദിവസമാണ് സൈനികവാഹനത്തിന് നേരെ ആക്രമണം നടത്തിയ ഭീകരരെ സൈന്യം തിരിച്ചടിയിലൂടെ കാലപുരിയ്ക്ക് അയച്ചത്. അങ്കന്നൂറിൽ നടന്ന ഭീകരവിരുദ്ധ ഓപ്പറേഷനിൽ മൂന്ന് ആയുധധാരികളായ ഭീകരരെയാണ് സൈന്യം വധിച്ചത്. വലിയ ഭീകരാക്രമണം ലക്ഷ്യമിട്ടെത്തിയ ഇവരുടെ പക്കൽ അത്യാധുനിക ഉപകരണങ്ങളടക്കം ഉണ്ടായിരുന്നുവത്രേ. ഭീകരരുമായുള്ള ഏറ്റുമുട്ടലിൽ ആളില്ലാ വാഹനവും ആർട്ടിഫിഷ്യൽ ഇന്റലിജൻസും ഉപയോഗിപ്പെടുത്തിയതായി വെളിപ്പെടുത്തുകയാണ് സൈന്യം.
ഞങ്ങൾ വളരെ വിജയകരമായ ഓപ്പറേഷൻ നടത്തി, മൂന്ന് ഭീകരരെ ഞങ്ങൾ നിർവീര്യമാക്കി. എല്ലാ സുരക്ഷാ സേനകൾക്കും ഞാൻ നന്ദി പറയുന്നുവെന്ന് GOC 10 ഇൻഫൻട്രി ഡിവിഷൻ മേജർ ജനറൽ സമീർ ശ്രീവാസ്തവ വ്യക്തമാക്കി. ‘ഭീകരർ വന്നതിന്റെ ഉദ്ദേശ്യം പൂർത്തീകരിക്കപ്പെടാത്തതിനാൽ ഞങ്ങളുടെ വാഹനവ്യൂഹത്തിന് നേരെ വെടിയുതിർത്തു… തീവ്രവാദികൾ ആയുധം ധരിച്ച രീതി വിശകലനം ചെയ്യുകയാണെങ്കിൽ, അവർ ഇവിടെ വന്നത് വലിയൊരു ലക്ഷ്യത്തിനാണെന്നാണ് ഞങ്ങൾ വിശ്വസിക്കുന്നത്. ഭീകരാക്രമണങ്ങളും അവർ പദ്ധതിയിട്ടിരുന്നു. വലിയ എന്തെങ്കിലും ചെയ്യുക, അതിനാൽ ഞങ്ങൾ തയ്യാറായിരുന്നു, രഹസ്യാന്വേഷണ ഏജൻസികൾ ഉൾപ്പെടെ എല്ലാ സേനകളും ഏകോപിപ്പിച്ച് പ്രവർത്തിക്കുന്നുവെന്ന് അദ്ദേഹം വാർത്താസമ്മേളനത്തിൽ പറഞ്ഞു.
സൈനിക പ്രവർത്തനം ആളില്ലാ വാഹനവും AI സാങ്കേതികവിദ്യയും ഉപയോഗിച്ചായിരുന്നു, ഇത് ഓപ്പറേഷൻ കൂടുതൽ ഫലപ്രദവും എളുപ്പവുമാക്കിയെന്ന് അദ്ദേഹം കൂട്ടിച്ചേർത്തു.
