ഇന്ത്യയിലെ ഗ്രാമീണരും തൊഴില്‍രഹിതരുമായ യുവാക്കളെ ലക്ഷ്യമിട്ട് വന്‍ തട്ടിപ്പ്. ഇടപാടുകാരില്‍ ഗര്‍ഭം ധരിപ്പിച്ചാല്‍ പ്രതിഫലമായി വന്‍തുക വാഗ്ദാനം ചെയ്യുന്നതാണ് ഈ തട്ടിപ്പെന്ന് റിപ്പോര്‍ട്ടുകള്‍ വ്യക്തമാക്കുന്നു. ഒരു നിശ്ചിത സമയത്തിനുള്ളില്‍ ഒരു പണക്കാരിയായ ക്ലയന്റിനെ ഗര്‍ഭം ധരിപ്പിക്കാന്‍ കഴിയുന്നവര്‍ക്ക് വലിയ തുകകളും സ്വത്തും വാഗ്ദാനം ചെയ്യുന്നതാണ് ഈ തട്ടിപ്പ്. നിരവധി യുവാക്കളാണ് ഈ തട്ടിപ്പിന് ഇതിനോടകം തന്നെ ഇരയായിരിക്കുന്നത്. ഇത്തരം പോസ്റ്റുകളില്‍ ആകര്‍ഷകമായ സ്ത്രീകളുടെ ചിത്രങ്ങളും ഫോട്ടോഷോപ്പ് ചെയ്തിട്ടുണ്ട്.
‘ജോലി’ എന്താണെന്ന് സംബന്ധിച്ച് തട്ടിപ്പുകാര്‍ യുവാക്കള്‍ക്ക് ആദ്യം വിശദീകരിച്ചു നല്‍കും. അതിനുശേഷം താത്പര്യം പ്രകടിപ്പിക്കുന്നവരില്‍ നിന്ന് രജിസ്ട്രേഷന്‍ ഫീസ് അല്ലെങ്കില്‍ മുന്‍കൂറായി തുക ആവശ്യപ്പെടും. എന്നാല്‍ പണം ഇവര്‍ക്ക് കൊടുത്തുകഴിഞ്ഞാല്‍ ഇരകളുമായി യാതൊരുവിധ ബന്ധവും തട്ടിപ്പുകാര്‍ക്ക് ഉണ്ടാകുകയില്ല.
ഹരിയാന സ്വദേശിയില്‍ നിന്ന് ഇത്തരത്തില്‍ ഒരു ലക്ഷം രൂപയാണ് ഇത്തരത്തില്‍ തട്ടിപ്പുകാര്‍ തട്ടിയെടുത്തത്. ഫെയ്സ്ബുക്കിലെ എട്ട് ഗ്രൂപ്പുകള്‍ ഇത്തരത്തില്‍ വ്യാജ ഗര്‍ഭധാരണ ജോലി പരസ്യങ്ങള്‍ നല്‍കുന്നത് കണ്ടെത്തിയതായി ടൈംസ് ഓഫ് ഇന്ത്യയുടെ റിപ്പോര്‍ട്ടില്‍ പറയുന്നു.
20 മുതല്‍ 25 ലക്ഷം രൂപ, ഒരു വീട്, ഒരു കാര്‍ എന്നിവയെല്ലാം വാഗ്ദാനത്തില്‍ ഉള്‍പ്പെടുന്നു. ”മൂന്ന് മാസത്തിനുള്ളില്‍ എന്നെ ഗര്‍ഭിണിയാക്കുന്നവര്‍ക്ക് 20 ലക്ഷം രൂപ പ്രതിഫലമായി ലഭിക്കും. അയാള്‍ക്ക് എന്റെ കൂടെ താമസിക്കാവുന്നതാണ്,” വീഡിയോയില്‍ സ്ത്രീ പറയുന്നുണ്ട്. എന്നാല്‍ തട്ടിപ്പിനിരയായവര്‍ ഇത് തുറന്നുപറയാന്‍ മടിക്കുന്നത് വലിയ തിരിച്ചടിയാണ്.
Discussion about this post