കോട്ടയം: വിവാദങ്ങൾക്കിടെ നയൻതാരയുടെ ‘വിവാഹ’ ഡോക്യുമെന്ററി സ്ട്രീമിംഗ് ആരംഭിച്ചു. നാൽപ്പതാം പിറന്നാൾ ആഘോഷിക്കുന്ന വേളയിലാണ് താരത്തിന്റെ ജീവിതം പ്രമേയമാക്കി നെറ്റ്ഫ്‌ളിക്‌സ് ഒരുക്കിയ ഡോക്യുമെന്ററിയായ നയൻതാര ബിയോണ്ട് ദ ഫെയറി ടെയിൽ ആണ് നെറ്റ്ഫ്‌ളിക്‌സിൽ സ്ട്രീമിംഗ് ആരംഭിച്ചത്. കോളിവുഡിലെ വിവാദങ്ങൾക്കിടെയാണ് റിലീസ്.
ഡോക്യുമെന്ററിയിൽ മകളെ കുറിച്ച് അമ്മ ഓമന കുര്യൻ വചാലയാവുന്നുണ്ട്. തമിഴിലെ പ്രമുഖനടനുമായി നയൻതാര പ്രണയത്തിലായിരുന്ന സമയത്ത് താരം അനുഭവിച്ച ദുരിതങ്ങളെ കുറിച്ചും അമ്മ മനസ് തുറക്കുന്നു.മകൾ പ്രണയബന്ധം തുടർന്നിരുന്ന സമയത്ത് കൈവിട്ട് പോയെന്നാണ് കരുതിയതെന്നും അമ്മ പറയുന്നു. ആദ്യമായാണ് നയൻതാരയും ഓമന കുര്യനും മുൻകാല പ്രണയത്തെക്കുറിച്ച് തുറന്ന് സംസാരിക്കുന്നത്.
പ്രഭുദേവയ്‌ക്കൊപ്പം ജീവിക്കാൻ വേണ്ടി മതം പോലും മാറിയിരുന്നു നയൻതാര. കരിയർ വിടാനും തീരുമാനിച്ചു. ആദ്യ വിവാഹ ബന്ധം നിലനിൽക്കെയാണ് പ്രഭുദേവ നയൻതാരയുമായി അടുക്കുന്നത്. മകൾ കൈയിൽ നിന്ന് പോയെന്ന് ഒരു ഘട്ടത്തിൽ തോന്നിയിരുന്നെന്ന് അമ്മ തുറന്ന് പറഞ്ഞു.
ഞങ്ങളുടെ ചെട്ടികുളങ്ങര അമ്മയുണ്ട്. രാവിലെ എഴുന്നേറ്റാലുടനെ അമ്മയുടെ അടുത്ത് പോയാണ് ഞാൻ പ്രാർത്ഥിക്കുന്നത്. യേശുവിനെയും പ്രാർത്ഥിക്കും. അതും ഇതുമുണ്ട്. ആ അമ്മയാണ് എനിക്കെന്റെ മോളെ തിരിച്ച് തന്നത്. ഇവൾ കൈയിൽ നിന്ന് പോയി എന്ന് വിചാരിച്ച സമയങ്ങളുണ്ട്. അറിയാമല്ലോ. ആ സമയത്ത് ഒത്തിരി വിഷമം ഉണ്ടായിരുന്നു. ഞാൻ അവിടെയിരുന്നങ്ങ് പ്രാർത്ഥിച്ചു. എനിക്കെന്റെ മോളെ തിരിച്ച് തരണം, വേറൊന്നും തരണ്ട എന്ന് പ്രാർത്ഥിച്ചെന്നും അമ്മ പറയുന്നു. എന്റെ മോളെ എനിക്കറിയാം. ദൈവം കഴിഞ്ഞാൽ എനിക്കാണ് അറിയുന്നത്. ഒരു ദോഷവും വരില്ലെന്ന് എനിക്കറിയാമെന്ന് ഓമന പറയുന്നു.
അമ്മയെ ഒരുപാട് പേർ വിളിച്ച് മകളെ വിവാഹം ചെയ്യിക്കെന്ന് പറഞ്ഞു. കാരണം എല്ലാം അവസാനിച്ചു, ഞാൻ പ്രശ്‌നത്തിലാകാതെ നോക്കിക്കോ എന്ന് പലരും പറഞ്ഞിട്ടുണ്ട്. തമിഴ് നടനുമായുളള പ്രണയം എനിക്ക് പറ്റിയ തെറ്റാണ്. ജീവിതത്തിൽ പിഴവുകൾ സംഭവിക്കും. അതിൽ കുഴപ്പമില്ല. അന്ന് സിനിമാജീവിതം അവസാനിപ്പിക്കാമെന്ന ആ തീരുമാനത്തിന് പിന്നിൽ അയാളാണെന്ന് പ്രഭുദേവയുടെ പേരെടുത്ത് പറയാതെ താരം വിമർശിക്കുന്നുണ്ട്.
Discussion about this post