കൊച്ചി: മന്ത്രി ആര്യാടന് മുഹമ്മദിന് പണം നല്‍കിയത് അദ്ദേഹത്തിന്റെ ഔദ്യോഗിക വസതിയില്‍ വെച്ചാണെന്ന് സരിത എസ്.നായര്‍ സോളാര്‍ കമ്മീഷനില്‍. 75 ലക്ഷം രൂപ ചോദിച്ചു. ആദ്യം നല്‍കിയത് 25 ലക്ഷമാണ്.
ടീം സോളാര്‍ തന്ന പണമാണ് നല്‍കിയത്. ബാങ്കില്‍ നിന്ന് പണം എടുത്ത് നല്‍കിയത് ബിജു രാധാകൃഷ്ണനാണെന്നും സരിത പറഞ്ഞു. 2011 ഡിസംബറില്‍ ആര്യാടന് 75 ലക്ഷം രൂപ ആവശ്യപ്പെട്ടു. ഡിസംബര്‍ ആറിന് ആദ്യ ഗഡുവായി 25 ലക്ഷം രൂപ കൊടുത്തു. ആര്യാടന്റെ സാന്നിധ്യത്തില്‍ മേശപ്പുറത്ത് പണം വച്ചു. മന്ത്രിക്ക് നേരിട്ടാണ് കൈമാറിയത്
4 മണിക്ക് ശേഷം ഔദ്യോഗിക വസതിയായ മന്‍മോഹന്‍ ബംഗ്ലാവില്‍ വച്ചാണ് പണം കൊടുത്തത്. ശേഷം നിരവധി തവണ ഈ വിഷയം ഫോണിലും നേരിട്ടും ആര്യാടനുമായി സംസാരിച്ചുവെന്നും സരിത പറഞ്ഞു.
ആര്യാടന്റെ പിഎ കേശവന്‍ അര്യാടന് എന്തെങ്കിലും കൊടുത്താലേ കാര്യം നാടക്കുവെന്ന് പറഞ്ഞു. പിഎയുമായി പണത്തിന്റെ കാര്യം സംസാരിച്ച ശേഷം ആര്യാടനുമായി സംസാരിച്ചു. അദ്ദേഹം കൂടുതല്‍ പണം ആവശ്യപ്പെട്ടു- സരിത പറഞ്ഞു. സോാളാര്‍ കമ്മീഷനില്‍ സരിതയുടെ വിസ്താരം തുടരുകയാണ്.
Discussion about this post