മുംബൈ : ഇന്ത്യൻ വനിതാ ടീമിന്റെ ഏകദിന മത്സരങ്ങൾക്കായുള്ള പുതിയ ജേഴ്സി പുറത്തിറക്കി ബിസിസിഐ. സീനിയർ വനിതാ ടീമിന്റെ ഓസ്ട്രേലിയൻ പര്യടനത്തിന് മുന്നോടിയായാണ് ഏകദിന ജേഴ്സിയിൽ ഇന്ത്യ മാറ്റങ്ങൾ വരുത്തിയിരിക്കുന്നത്. അഡിഡാസ് ആണ് ഇന്ത്യൻ ടീമിന്റെ പുതിയ ജേഴ്സി നിർമ്മിക്കുന്നത്.
പുതിയ ജേഴ്സിയിൽ തോളിലെ സ്ട്രാപ്പുകളിലെ ത്രിവർണ്ണം ആണ് പ്രധാനമായി ശ്രദ്ധ നേടുന്നത്.
മുംബൈയിൽ നടന്ന ചടങ്ങിൽ ബിസിസിഐ സെക്രട്ടറി ജയ് ഷായും സീനിയർ വനിതാ ക്രിക്കറ്റ് ടീം ക്യാപ്റ്റൻ ഹർമൻപ്രീത് കൗറും ചേർന്നാണ് പുതിയ ജഴ്സി പുറത്തിറക്കിയത്. ഹർമൻ എന്ന പേര് എഴുതിയ 23ആം നമ്പർ ജേഴ്സി ഹർമൻപ്രീത് കൗർ ജയ് ഷായിൽ നിന്നും ഏറ്റുവാങ്ങി.
വെസ്റ്റ് ഇൻഡീസ് ടീമിനെതിരെയുള്ള മത്സരത്തിൽ ആയിരിക്കും ഇന്ത്യൻ വനിതാ ടീം ആദ്യമായി ഈ ജേഴ്സി ധരിക്കുക. അതിനു മുന്നോടിയായി ഇന്ത്യ-ഓസ്ട്രേലിയ പര്യടനം ഡിസംബർ 5 ന് ആരംഭിക്കും. ബ്രിസ്ബേനിൽ നടക്കുന്ന പര്യടനത്തിൽ മൂന്ന് ഏകദിന മത്സരങ്ങളാണുള്ളത്. തുടർന്ന് ഡിസംബർ 15 ന് ന്യൂ മുംബൈയിൽ ആരംഭിക്കുന്ന ആറ് മത്സര വൈറ്റ്-ബോൾ പരമ്പരയിൽ വെസ്റ്റ് ഇൻഡീസിനെതിരെ ഇന്ത്യ മത്സരിക്കും.
