Saturday, July 12, 2025
  • About Us
  • Contact Us
ബ്രേവ് ഇന്ത്യ ന്യൂസ്
  • News
    • Kerala
    • India
    • International
      • Gulf
      • USA
      • UK
      • Africa
    • Editorial
  • Defence
  • Entertainment
  • Sports
  • Article
  • Tech
  • Culture
  • Business
  • Video
  • ​
    • Health
    • Science
    • Lifestyle
    • Literature
    • Travel
    • Auto
    • Offbeat
Brave India News
  • News
    • Kerala
    • India
    • International
      • Gulf
      • USA
      • UK
      • Africa
    • Editorial
  • Defence
  • Entertainment
  • Sports
  • Article
  • Tech
  • Culture
  • Business
  • Video
  • ​
    • Health
    • Science
    • Lifestyle
    • Literature
    • Travel
    • Auto
    • Offbeat
Brave India News
Home News India

ഡ്രോൺ വേധ സാങ്കേതികവിദ്യ: ഡ്രോണുകൾ കൊണ്ടുള്ള ഭീഷണിയെ നേരിടാൻ ഇന്ത്യൻ നിർമ്മിത  പരിഹാരവുമായി ആനന്ദ് മഹീന്ദ്ര

മഹാകുംഭമേളയ്ക്ക് മഹീന്ദ്രയുടെ കരുതൽ

by Brave India Desk
Dec 8, 2024, 10:35 pm IST
in India, Defence
Share on FacebookTweetWhatsAppTelegram

ആധുനിക കാലത്ത് പൊതുജനവും സൈന്യവും നേരിടുന്ന ഏറ്റവും വലിയ ഭീഷണികളിലൊന്ന് ഡ്രോണുകളാണ്. വളരെ ചെറിയ മുതൽ മുടക്കിൽ പൊതുജനങ്ങൾക്കും സ്ഥാപനങ്ങൾക്കും നേരേ ആക്രമണം നടത്താമെന്നതാണ് ഡ്രോണുകളെ അപകടകാരികളാക്കുന്നത്. യമനിൽ നിന്ന് ഇന്ത്യൻ മഹാസമുദ്രത്തിലെ കപ്പലുകൾക്ക് നേരേയും ഇസ്രേയലിനു നേരേയുമൊക്കെ ഹൂതികൾ നടത്തുന്ന ഡ്രോൺ ആക്രമണങ്ങളും ഇസ്രേയലിനു നേർക്ക് ഹിസ്ബുള്ള നടത്തിയ ഡ്രോൺ ആക്രമണങ്ങളും കണ്ട് ലോകം അമ്പരന്നിരിക്കുകയാണ്.

ഒരു കൈത്തോക്കിൻ്റെ പോലും ചിലവില്ലാതെ സൈനികത്താവളങ്ങൾക്ക് വരെ വലിയ നാശമുണ്ടാക്കാനാവും വിധം ആക്രമണമഴിച്ചു വിടാൻ ചെറിയ ഡ്രോണുകൾ മതി. ഉക്രൈനിലും റഷ്യയിലും എല്ലാം സമീപകാലത്ത് ഡ്രോണുകളുടെ ഈ പ്രഹരശേഷി വ്യക്തമായതാണ്. ദശകോടിക്കണക്കിന് രൂപയുടെ അയൺ ഡോം പോലെയുള്ള മിസൈൽ വേധ സംവിധാനങ്ങൾ പോലും ചെറിയ ഡ്രോണുകളുടെ മുന്നിൽ പരാജയപ്പെടുകയാണ്.

Stories you may like

പതിനാറാമത് റോസ്ഗർ മേളയിൽ 51,000 പേർക്ക് നിയമനക്കത്ത് വിതരണം ചെയ്ത് പ്രധാനമന്ത്രി ; ഇതുവരെ തൊഴിൽ ലഭിച്ചത് 10 ലക്ഷത്തിലധികം പേർക്ക്

ധൃതി പിടിച്ചുള്ള നിഗമനങ്ങൾ വേണ്ട ; അന്തിമ റിപ്പോർട്ട് വരുന്നതുവരെ കാത്തിരിക്കണമെന്ന് വ്യോമയാന മന്ത്രി റാം മോഹൻ നായിഡു

ലോകമെമ്പാടുമുള്ള ഭീകരഗ്രൂപ്പുകൾക്ക് ഡ്രോൺ സാങ്കേതികവിദ്യ ലഭിച്ചിരിക്കാനുള്ള സാദ്ധ്യത ഏറെയാണെന്ന് പ്രതിരോധവിദഗ്ധർ കാലങ്ങളായി ആശങ്കപ്പെടുന്നുണ്ട്. യമനിലും ലെബനനിലും നിന്നുണ്ടാായ ഡ്രോൺ ആക്രമണങ്ങളോടെ ഈ ഭീതി ശരിയെന്ന് തന്നെ തെളിയുന്നു. സിഗ്നൽ ജാമിങ് പോലെയുള്ള സാങ്കേതികവിദ്യകളെ പോലും മറികടന്ന് നൂറുകണക്കിന് കിലോമീറ്ററുകൾ അകലെയിരുന്ന് ഡ്രോണുകൾ  നിയന്ത്രിക്കാമെന്നത് ഇവയുടെ പ്രഹരശേഷി വർദ്ധിപ്പിക്കുന്നു. മാത്രമല്ല ചെറു ഡ്രോണുകളുടെ ഒരു വ്യൂഹമുപയോഗിച്ച് (drone swarm) വലിയ ആഘാതമുണ്ടാക്കുന്ന സാങ്കേതികവിദ്യയും ഭീകരവാദികളുടെ കൈയ്യിൽപ്പെട്ടിട്ടുണ്ടോ എന്ന് പ്രതിരോധ സാങ്കേതികവിദഗ്ധർ ആശങ്കപ്പെടുന്നുണ്ട്.

ആ അവസരത്തിലാണ് ഇന്ത്യൻ കമ്പനിയായ മഹീന്ദ്ര, തദ്ദേശീയമായി വികസിപ്പിച്ചെടുത്ത ഡ്രോൺ വേധ സാങ്കേതികവിദ്യ അവതരിപ്പിക്കുന്നത്. ഉത്തർ പ്രദേശിലെ പ്രയാഗ് രാജ് പോലീസിനാണ് മഹീന്ദ്ര വികസിപ്പിച്ചെടുത്ത ഈ ഡ്രോൺ വേധ വ്യൂഹം പരിചയപ്പെടുത്തിയത്. ശത്രു ഡ്രോണുകളെ കണ്ടെത്താനും അതിനെ നിരീക്ഷിച്ച് പിന്തുടരാനും നശിപ്പിക്കാനും പര്യാപ്തമായ സംവിധാനമാണ് മഹീന്ദ്രയുടെ ഡ്രോൺ വേധ സംവിധാനം.

സ്വയംപ്രവർത്തിക്കുന്ന ഈ സംവിധാനം മഹീന്ദ്രയുടെ തന്നെ കവചിത വാഹനമായ മഹീന്ദ്ര മാർക്‌സ്മാനിൽ (Mahindra Marksman) നിന്നാണ്  നിയന്ത്രിക്കുക. മഹീന്ദ്ര പുതിയതായി നിർമ്മിക്കുന്ന ഈ കവചിത വാഹനത്തിലാണ് ഇതിൻ്റെ കമാൻഡ് ആൻഡ് കണ്ട്രോൾ ((C2) സംവിധാനം. നഗര പ്രദേശങ്ങളിൽ മുതൽ രാജ്യ അതിർത്തിയിൽ വരെ ഈ ഡ്രോൺ വേധ വ്യൂഹം പ്രവർത്തിപ്പിക്കാനാകും. വ്യവസായശാലകൾക്കും വിമാനത്താവളങ്ങൾക്കും എല്ലാം സുരക്ഷയൊരുക്കാൻ മഹീന്ദ്രാ ഡ്രോൺ വേധ സംവിധാനത്തിന് കഴിയുമെന്നാണ് ആനന്ദ് മഹീന്ദ്ര എക്സിൽ പങ്കുവച്ച വിവരങ്ങൾ സൂചിപ്പിക്കുന്നത്.

റേഡിയോ ഫ്രീക്വൻസി തരംഗങ്ങൾ ഉപയോഗിച്ചാവും ഡ്രോണുകളെ കണ്ടെത്തുന്നത്. കൃത്രിമ ബുദ്ധി സാങ്കേതികവിദ്യയും (Artificial intelligence) ഈ ഡ്രോൺ വേധ സംവിധാനത്തിൽ ഉപയോഗിച്ചിട്ടുണ്ടെന്നാണ് റിപ്പോർട്ടുകൾ. ഇതിൻ്റെ സാങ്കേതികവിദ്യ പൂർണ്ണമായും സുരക്ഷാ സേനകൾക്ക് പങ്കുവയ്ക്കുമെന്നും ആനന്ദ് മഹീന്ദ്ര എക്സിൽ കുറിച്ചു.

കേന്ദ്ര ഗവണ്മെൻ്റിൻ്റെ ആത്മനിർഭർ ഭാരത് പദ്ധതിയുമായി ചേർന്നാണ് മഹീന്ദ്ര ഈ ഡ്രോൺ വേധ സംവിധാനവും മഹീന്ദ്ര മാർക്സ്മാൻ കവചിതവാഹനവും നിർമ്മിച്ചിരിക്കുന്നത്. വിദേശകമ്പനികളെ ആശ്രയിക്കാതെ തദ്ദേശീയമായി വികസിപ്പിക്കുന്ന പ്രതിരോധ സാങ്കേതികവിദ്യ ദേശസുരക്ഷയ്ക്ക് വലിയ സംഭാവന നൽകുമെന്നാണ് പ്രതിരോധ വിദഗ്ധരുടെ അഭിപ്രായം.

അടുത്ത മാസം മുതൽ നടക്കാനിരിക്കുന്ന മഹാകുംഭമേളയുടെ സുരക്ഷയൊരുക്കാനാണ് ഈ ഡ്രോൺ വേധ സംവിധാനം പ്രയാഗ്‌രാജ് പോലീസിന്പരിചയപ്പെടുത്തിയതെന്ന് ആനന്ദ് മഹീന്ദ്ര എക്സിൽ കുറിച്ചു. കോടിക്കണക്കിന് ഭക്തരെത്തുന്ന ഈ കുംഭമേളയുടെ സമയത്ത് ഭീകരവാദികൾ ആക്രമണങ്ങൾ അഴിച്ചുവിടാൻ സാദ്ധ്യതയുള്ളത് കൊണ്ട് ശക്തമായ സുരക്ഷയാണ് പോലീസും സുരക്ഷാ സേനകളും ഒരുക്കുന്നത്.

Tags: DefenceTechnologyCounterDroneAnandMahindraAutonomousSystemsIndiaDefenceDroneSecurityNationalSecurityMahindraMarksman
Share1TweetSendShare

Latest stories from this section

അക്രമാസക്തി കുറയ്ക്കും,തെരുവുനായകൾക്ക് ഇനി ദിവസവും ചിക്കനും ചോറും; തീരുമാനവുമായി കോർപ്പറേഷൻ

എല്ലാവരെയും ഉൾക്കൊള്ളുന്ന, താഴെത്തട്ടിൽനിന്നും ഉയർന്നുവന്ന സംഘാടകൻ വേണം ; പുതിയ ബിജെപി ദേശീയ പ്രസിഡണ്ടിനെ കുറിച്ചുള്ള കാഴ്ചപ്പാട് പങ്കുവെച്ച് ആർഎസ്എസ്

2026 ൽ കേരളത്തിൽ ബിജെപി അധികാരത്തിലെത്തും; തിരഞ്ഞെടുപ്പിനൊരുങ്ങാൻ പ്രവർത്തകർക്ക് ആത്മവിശ്വാസം പകർന്ന്; അമിത് ഷാ

യുനെസ്കോ ലോക പൈതൃക പട്ടികയിൽ ഇടം നേടി മറാത്ത സൈനിക ഭൂപ്രകൃതികൾ ; മഹാരാഷ്ട്രയിലും തമിഴ്നാട്ടിലുമുമായി 12 മഹത്തായ നിർമ്മിതികൾ

Discussion about this post

Latest News

പതിനാറാമത് റോസ്ഗർ മേളയിൽ 51,000 പേർക്ക് നിയമനക്കത്ത് വിതരണം ചെയ്ത് പ്രധാനമന്ത്രി ; ഇതുവരെ തൊഴിൽ ലഭിച്ചത് 10 ലക്ഷത്തിലധികം പേർക്ക്

സഞ്ജുവിനെ കൂടെ കൂട്ടാനുള്ള ചെന്നൈ ശ്രമങ്ങൾക്ക് ഭീഷണിയായി പുതിയ ടീം, സോഷ്യൽ മീഡിയ പോസ്റ്റ് ചർച്ചയാകുന്നു

Oplus_131072

ആഴ്ചകൾക്ക് മുൻപ് അച്ഛൻ മരിച്ചു ; വേദന മറക്കാൻ തുടങ്ങവേ കാർ പൊട്ടിത്തെറിച്ച് അപകടം ; രണ്ട് കുഞ്ഞുങ്ങൾ മരിച്ചു

ക്വാറിയിൽ നിന്ന് മദ്യകുപ്പിയിലേക്ക്; മലബാർ സിമന്റ്‌സിലെ വെള്ളം മദ്യം ഉത്പാദിപ്പിക്കാൻ

ഇതിലും ചെറിയ സിക്സ് സ്വപ്നങ്ങളിൽ മാത്രം, പാകിസ്ഥാൻ താരത്തിന്റെ റെക്കോഡ് വൻ കോമഡി; വീഡിയോ കാണാം

ധൃതി പിടിച്ചുള്ള നിഗമനങ്ങൾ വേണ്ട ; അന്തിമ റിപ്പോർട്ട് വരുന്നതുവരെ കാത്തിരിക്കണമെന്ന് വ്യോമയാന മന്ത്രി റാം മോഹൻ നായിഡു

പോസ്റ്റ്‌മോർട്ടം കഴിഞ്ഞ കുഞ്ഞുങ്ങളെ ഒരുക്കുമ്പോൾ…..:വിദ്യാഭ്യാസമന്ത്രിക്ക് തുറന്നകത്തുമായി ആശുപത്രി ജീവനക്കാരൻ

ഇന്ത്യ ചെയ്തത് മോശം പ്രവർത്തി, ഇംഗ്ലണ്ട് ആണെങ്കിൽ ആ വെല്ലുവിളി ഏറ്റെടുക്കുമായിരുന്നു; തുറന്നടിച്ച് ജോ റൂട്ട്

  • Home
  • About Us
  • Contact Us
  • Privacy Policy
  • Terms of Services

© Brave India Communications Private Limited.
Tech-enabled by Ananthapuri Technologies

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

  • Home
  • Kerala
  • India
  • International
  • Defence
  • Article
  • Entertainment
  • Sports
  • Technology
  • Business
  • Health
  • Culture
  • Video

© Brave India Communications Private Limited.
Tech-enabled by Ananthapuri Technologies