തൃശൂര്‍ : ഗുരുവായൂര്‍ ക്ഷേത്രത്തില്‍ ഡിസംബര്‍ മാസത്തെ ഭണ്ഡാരം എണ്ണല്‍ പൂർത്തിയായി. 4,98,14,314 രൂപയാണ് ഡിസംബർ മാസത്തെ ഭണ്ഡാര വരവായി ലഭിച്ചത്. 1.795 കിലോഗ്രാം സ്വര്‍ണവും ഭണ്ഡാരത്തിൽ നിന്ന് ലഭിച്ചു.
കൂടാതെ 9.980 കിലോഗ്രാം വെള്ളിയും ഗുരുവായൂർ ക്ഷേത്രം പണ്ടാരത്തിൽ നിന്നും ലഭിച്ചിട്ടുണ്ട്. കിഴക്കേ നടയിലെ ഇ – ഭണ്ഡാരം വഴി 3,11,665 രൂപയും പടിഞ്ഞാറെ നടയിലെ ഇ – ഭണ്ഡാരം വഴി 44,797 രൂപയും ലഭിച്ചു.
സി.എസ്.ബി ഗുരുവായൂര്‍ ശാഖയ്ക്കായിരുന്നു ഇത്തവണ ഗുരുവായൂർ ക്ഷേത്ര ഭണ്ഡാരത്തിന്റെ എണ്ണല്‍ ചുമതല ഉണ്ടായിരുന്നത്. വരുമാനം കൂടാതെ ഇത്തവണ ഗുരുവായൂർ ഭണ്ഡാരത്തിൽ നിന്നും നിരവധി നിരോധിത നോട്ടുകളും പിൻവലിച്ച നോട്ടുകളും ലഭിച്ചിട്ടുണ്ട്. കേന്ദ്ര സര്‍ക്കാര്‍ പിന്‍വലിച്ച രണ്ടായിരം രൂപയുടെ 20 നോട്ടുകളും നിരോധിച്ച ആയിരം രൂപയുടെ ആറ് നോട്ടുകളും അഞ്ഞൂറിന്റെ 38 നോട്ടുകളും ആണ് ലഭിച്ചത്.
Discussion about this post