ഡല്‍ഹി: സുനന്ദാ പുഷ്‌കറിന്റെ കൊലപാതകക്കേസുമായി ബന്ധപ്പെട്ട് മുന്‍ കേന്ദ്രമന്ത്രി മനീഷ് തിവാരിയുടെ മൊഴി രേഖപ്പെടുത്തി .സുനന്ദയുടെ കൊലപാതകം അന്വേഷിക്കുന്ന പ്രത്യേക അന്വഷണസംഘമാണ് മെഴിയെടുത്തത്. മൊഴിയെടുക്കുന്നത് രണ്ട് മണിക്കൂര്‍ നീണ്ടുനിന്നു. സുനന്ദയും തരൂരും വിമാനത്തില്‍ കയറുന്നതിന് മുമ്പുണ്ടായ വഴക്കിന് മനീഷ് തിവാരി സാക്ഷിയായിരുന്നു. കേസുമായി ബന്ധപ്പെട്ട് തരൂരിനെ പ്രത്യേക സാമ്പത്തിക കുറ്റാന്വേഷണ വിഭാഗവും ഉടന്‍ ചേദ്യം ചെയ്യും.
സുനന്ദയുടെ കൊലപാതകവുമായി ബന്ധപ്പെട്ട് ഇതു മൂന്നാം തവണയാണു തരൂരിനെ പോലീസ് ചോദ്യം ചെയ്യാനൊരുങ്ങുന്നത്. ജനുവരി 19 നാണു തരൂരിനെ ആദ്യം സിബിഐ ചോദ്യം ചെയ്തത്.
പാക് പത്രപ്രവര്‍ത്തക മെഹര്‍ തരാറുമായുള്ള ബന്ധം, അതുമായി ബന്ധപ്പെട്ട് സുനന്ദയുമായുള്ള പ്രശ്‌നങ്ങള്‍, സ്വാഭാവിക മരണമെന്ന് റിപ്പോര്‍ട്ട് ചെയ്യാന്‍ ആവശ്യപ്പെട്ട് തരൂര്‍ ഇമെയില്‍ അയച്ചുവെന്ന സുനന്ദയുടെ മൃതദേഹം പോസ്റ്റ്‌മോര്‍ട്ടം നടത്തിയ ഡല്‍ഹി എയിംസ് ആശുപത്രിയിലെ ഫോറന്‍സിക് വിഭാഗം തലവന്‍ സുധീര്‍ ഗുപ്ത നടത്തിയ വെളിപ്പെടുത്തല്‍ തുടങ്ങിയ കാര്യങ്ങളുമായി ബന്ധപ്പെട്ടായിരുന്നു ആദ്യം ചോദ്യം ചെയ്തത്.
കേസുമായി ബന്ധപ്പെട്ട് തരൂരിന്റെ സഹായി നാരായണ്‍ സിംഗിനെ രണ്ട് തവണയും ,സുനന്ദയുടെ മകന്‍ ശിവ് മേനോനെയും പോലീസ് ചോദ്യം ചെയ്തിരുന്നു.
Discussion about this post