കൊച്ചിയില് അനാശാസ്യ കേന്ദ്രം നടത്തിപ്പുമായി ബന്ധപ്പെട്ട് രണ്ട് പൊലീസ് ഉദ്യോഗസ്ഥര് പിടിയില്. കൊച്ചി ട്രാഫിക് ഈസ്റ്റ് സ്റ്റേഷനിലെ എ.എസ്.ഐ രമേശന്, പാലാരിവട്ടം സ്റ്റേഷനിലെ സീനിയര് സിവില് പൊലീസ് ഉദ്യോഗസ്ഥന് ബ്രിജേഷ് എന്നിവരാണ് പിടിയിലായത്. കേന്ദ്രത്തിൽ സജീവ പങ്കാളിത്തം ഉള്ള ഇരുവര്ക്കും അനാശാസ്യ കേന്ദ്രത്തിന്റെ ലാഭ വിഹിതമായി ലക്ഷങ്ങള് ലഭിച്ചിരുന്നു
കഴിഞ്ഞ ഒക്ടോബര് മാസത്തില് സൗത്ത് റെയില്വേ സ്റ്റേഷന് സമീപത്തെ ഡ്രീംലാന്ഡ് റസിഡന്സിയെന്ന ലോഡ്ജില് റൈഡ് നടന്നിരുന്നു. ഇവിടെ നിന്ന് ഉടമസ്ഥനും അനാശാസ്യ കേന്ദ്രം നടത്തിപ്പുകാരിയും പൊലീസ് പിടിയിലായിരുന്നു. ഇവരുടെ മൊബൈല് ഫോണുകളും സാമ്പത്തിക ഇടപാടുകളും പരിശോധിച്ചതില് നിന്നുമാണ് പൊലീസ് ഉദ്യോഗസ്ഥരുടെ പങ്ക് പുറത്തേക്ക് വരുന്നത്.
എ.എസ്.ഐ രമേശിനും സീനിയര് സിവില് പൊലീസ് ഉദ്യോഗസ്ഥന് ബ്രിജേഷിനും അനാശാസ്യ കേന്ദ്രത്തില് നിന്നുള്ള സാമ്പത്തിക ലാഭത്തിന്റെ പങ്ക് ലഭിച്ചിരുന്നു എന്ന വിവരം പുറത്ത് വന്നിരുന്നു . അറസ്റ്റിലായ എഎസ്ഐ രമേശ് നേരത്തെയും അച്ചടക്ക നടപടി നേരിട്ടയാളാണ്
Discussion about this post