അണ്ണാ സര്‍വകലാശാല ക്യാമ്പസില്‍ പെണ്‍കുട്ടി അതി ക്രൂരമായ ബലാത്സംഗത്തിനിരയായ സംഭവത്തില്‍ പ്രതിഷേധിച്ച് സ്വന്തം ശരീരത്തില്‍ 6 തവണ ചാട്ടവാറുകൊണ്ടടിച്ച് 48 ദിവസത്തെ വ്രതം തുടങ്ങി തമിഴ്‌നാട് ബിജെപി അധ്യക്ഷന്‍ കെ.അണ്ണാമലൈ. പച്ച നിറത്തിലുള്ള മുണ്ടുടുത്ത് സ്വന്തം വീടിന്റെ മുന്നില്‍ നിന്നാണ് അണ്ണാമലൈ ചാട്ടവാര്‍ അടിച്ചു പ്രതിഷേധിച്ചത്. 48 ദിവസത്തെ വ്രതത്തിനുശേഷം തമിഴ്‌നാട്ടിലെ പ്രധാന മുരുക ക്ഷേത്രങ്ങളിലും ദര്‍ശനം നടത്തുമെന്നും അദ്ദേഹം അറിയിച്ചിട്ടുണ്ട്.
ഡിഎംകെ സര്‍ക്കാര്‍ താഴെ വീഴുന്നത് വരെ ചെരുപ്പ് ഉപയോഗിക്കില്ലെന്ന് കഴിഞ്ഞ ദിവസം അണ്ണാമലൈ പ്രഖ്യാപിച്ചിരുന്നു. ഇതിന് പിന്നാലെയാണ് ചാട്ടവാര്‍ അടിച്ചു പ്രതിഷേധിച്ചത്. ആദ്യം പ്രാര്‍ത്ഥിച്ച ശേഷമാണ് ചാട്ടവാര്‍ അടിക്കുന്നത്. ചുറ്റും പ്ലക്കാര്‍ഡുകളേന്തിയ ബിജെപി പ്രവര്‍ത്തകര്‍ നില്‍ക്കുന്നതും വീഡിയോയില്‍ കാണാം. ചാട്ടവാര്‍ അടിക്കിടയില്‍ ഒരു പ്രവര്‍ത്തകന്‍ ഓടിയെത്തി അണ്ണാമലൈയെ തടയുന്നതും കെട്ടിപ്പിടിക്കുന്നുമുണ്ട്.
ഡിസംബര്‍ 23ന് രാത്രിയിലായിരുന്നു രണ്ടാം വര്‍ഷ ബിരുദ വിദ്യാര്‍ത്ഥിനി സര്‍വ്വകലാശാല ക്യാമ്പസില്‍ വച്ച് ക്രൂരമായ ലൈംഗിക പീഡനത്തിന് ഇരയായത്.സുഹൃത്തിനെ മര്‍ദ്ദിച്ചു അവശനാക്കിയ ശേഷം രണ്ടുപേര്‍ ചേര്‍ന്ന് വലിച്ചിഴച്ചു കൊണ്ടുപോയി ബലാത്സംഗത്തിന് ഇരയാക്കുകയായിരുന്നു. സംഭവത്തില്‍ പോലീസ് വഴിയോരത്ത് ബിരിയാണി കച്ചവടം നടത്തുന്ന കോട്ടുര്‍ പുരം സ്വദേശി ജ്ഞാനശേഖരന്‍ (37) എന്നയാളെ അറസ്റ്റ് ചെയ്തു
സിസിടിവി ദൃശ്യങ്ങളുടെ അടിസ്ഥാനത്തിലാണ് പ്രതിയെ പിടികൂടിയത്.
Discussion about this post