ന്യൂഡല്ഹി: പ്രധാനമന്ത്രി നരേന്ദ്രമോദിയുടെ ചിത്രം ദുരുപയോഗം ചെയ്യുന്നവര്ക്കെതിരെ കര്ശന നടപടി സ്വീകരിക്കാനൊരുങ്ങി കേന്ദ്ര സര്ക്കാര്. ഇതിനൊപ്പം തന്നെ ദേശീയ ചിഹ്നം അവഹേളിക്കല്, രാഷ്ട്രപതിയുടെ ചിത്രങ്ങള്, സുപ്രീംകോടതിയുടെ ചിത്രങ്ങള് തുടങ്ങിയവ ദുരുപയോഗം ചെയ്താല് അഞ്ച് ലക്ഷം രൂപ വരെ പിഴയ്ക്കും തടവിനും വ്യവസ്ഥ ചെയ്ത് ശിക്ഷ കടുപ്പിക്കാനാണ് തീരുമാനം. രണ്ട് നിയമങ്ങളെ ഒരുവകുപ്പിന് കീഴിലാക്കാന് സര്ക്കാര് ആലോചിക്കുന്നുണ്ട്.
നിലവിലെ നിയമപ്രകാരം ദേശീയചിഹ്നത്തെ അവഹേളിച്ചാല് പിഴ 500 രൂപ മാത്രമായിരുന്നു ഇതിനാണ് മാറ്റം വരുന്നത്. ആഭ്യന്തരവകുപ്പ് നടപ്പാക്കുന്ന 2005ലെ ഇന്ത്യയുടെ ദേശീയചിഹ്ന (ദുരുപയോഗം തടയല്) നിയമവും ഉപഭോക്തൃകാര്യവകുപ്പിന് കീഴിലുള്ള 1950ലെ ചിഹ്നങ്ങളും പേരുകളും (ദുരുപയോഗം തടയല്) എല്ലാം ഇനി ഒരു വകുപ്പിന് കീഴിലാക്കും.
.ആദ്യതവണ കുറ്റം ചെയ്യുന്നവര്ക്ക് ഒരു ലക്ഷവും ആവര്ത്തിക്കുന്നവര്ക്ക് അഞ്ചു ലക്ഷവും പിഴയും ആറുമാസം വരെ തടവും ശിക്ഷ നല്കണമെന്ന് ഉപഭോക്തൃകാര്യവകുപ്പ് 2019ല് നിര്ദ്ദേശം നല്കിയെങ്കിലും നടപ്പാക്കിയിരുന്നില്ല.
Discussion about this post