സാമ്പത്തികഭദ്രതയോടെ ജീവിക്കുകയെന്നതാണ് ഓരോ വ്യക്തികളുടെയും ആഗ്രഹം. അതിനായി തന്റെ നല്ല കാലത്ത് തന്നെ മതിയായ നിക്ഷേപങ്ങളും മറ്റും ഒരുക്കി ഭാവി ജീവിതം സുരക്ഷിതമാക്കാനുള്ള ഓട്ടത്തിലാണ് ഓരോരുത്തരും. ഇത്തരത്തിൽ നമ്മുടെ റിട്ടയേഡ്‌മെന്റ് ജീവിതത്തെ സുരക്ഷിതമാക്കാൻ കഴിയുന്ന മികച്ച നിക്ഷേപ പദ്ധതിയാണ് നാഷണൽ പെൻഷൻ സിസ്റ്റം(എൻപിഎസ്). ഇതിലൂടെ നിങ്ങളുടെ വാർദ്ധക്യകാലത്ത് മികച്ച തുക വരുമാനമായി ലഭിക്കുകയും നിങ്ങളുടെ ഭാവി സമാധാപൂർണമായി മാറുകയും ചെയ്യുന്നു.
പെൻഷൻ ഫണ്ട് റെഗുലേറ്ററി ആൻഡ് ഡെവലപ്മെന്റ് അതോറിറ്റിയുടെ കീഴിൽ വരുന്ന നിക്ഷേപ പദ്ധതിയാണ് നാഷണൽ പെൻഷൻ സിസ്റ്റം അഥവ എൻപിഎസ്. ഇതിലൂടെ, നിക്ഷേപം നടത്തുന്ന ഒരു വ്യക്തിക്ക് പ്രതിമാസം ഒന്നരലക്ഷം രൂപ വരെ ലഭിക്കുന്നു.
എങ്ങനെയാണ് ഈ നിക്ഷേപ പദ്ധതി പ്രവർത്തിക്കുന്നതെന്ന് നമുക്ക് നോക്കാം… 40 വർഷമാണ് പദ്ധതിയുടെ കാലാവധി. നിങ്ങൾ എൻപിഎസിന്റെ ഭാഗമാകുന്നത് 25 വയസ് മുതലാണെങ്കിൽ, മാസം തോറും പെൻഷനായി ഒന്നര ലക്ഷം രൂപയായിരിക്കും ലഭിക്കുക. 25 വയസു മുതലാണെങ്കിൽ 65 വയസ് വരെ നിങ്ങൾ പദ്ധതിയിൽ നിക്ഷേപം നടത്തേണ്ടതുണ്ട്. പ്രതിവർഷം ഏകദേശം പത്ത് ശതമാനം റിട്ടേൺ തുകയും എൻപിഎസിലൂടെ ലഭ്യമാകും.
ജോലിയിൽ നിന്ന് വിരമിക്കേണ്ട സമയമാകുമ്പോൾ എകദേശം ആറ് ശതമാനം നിരക്കിലായിരിക്കും റിട്ടേൺ തുകയായി കിട്ടുക. പ്രതിമാസമായോ വർഷികമായോ നിങ്ങൾക്ക് എൻപിഎസിന്റെ പലിശ സ്വന്തമാക്കാം. പ്രതിമാസത്തിൽ പലിശയിനത്തിൽ മാത്രം ഒന്നരലക്ഷം രൂപയും വർഷത്തിൽ 18 ലക്ഷം രൂപയും ലഭിക്കും. ആറ് ശതമാനം റിട്ടേൺ നിരക്കിലാണ് നിങ്ങൾ നിക്ഷേപം നടത്തുന്നതെങ്കിൽ പ്രതിമാസം ഒന്നരലക്ഷം രൂപ പെൻഷനായി ലഭിക്കും.
അതായത് പ്രതിമാസം 11,859 രൂപ വീതം പദ്ധതിയിൽ നിക്ഷേപിക്കണം. ഇത്തരത്തിൽ 40 വർഷം പദ്ധതിയിൽ നിക്ഷേപം നടത്തണം.
എൻപിഎസിൽ നിക്ഷേപം നടത്തുന്നവർക്ക് ധാരാളം നികുതി ആനുകൂല്യങ്ങളും പദ്ധതി വാഗ്ദാനം ചെയ്യുന്നുണ്ട്. സെക്ഷൻ 80 സിസിഇ പ്രകാരം അവരുടെ ആകെ ശമ്പളത്തിന്റെ പത്ത് ശതമാനം നികുതി ആനുകൂല്യങ്ങൾ ലഭിക്കും.
Discussion about this post