കഴിഞ്ഞ ദിവസം തന്റെ സ്റ്റാര്ട്ടപ്പ് സ്ഥാപനം 975 മില്യണ് ഡോളറിന് (ഏകദേശം 8,366 കോടി) വിറ്റ ഒരു ഇന്ത്യന് വംശജന്റെ വാക്കുകളാണ് ഇപ്പോള് വൈറലാകുന്നത്. ഇനി എന്താണ് ചെയ്യേണ്ടതെന്ന് ഒരു ഐഡിയയും തനിക്കില്ലെന്നാണ് ലൂമിന്റെ സഹസ്ഥാപകനായ വിനയ് ഹിരേമത്ത് പറയുന്നത്. പെട്ടെന്ന് സമ്പന്നനായതിന് ശേഷം തനിക്ക് അരക്ഷിതാവസ്ഥയെക്കുറിച്ച് വിനയ് വിശദമായ വ്ളോഗ് തന്നെ എഴുതി. ഇന്ത്യന് വംശജനായ ഈ സംരംഭകന് തന്റെ സ്റ്റാര്ട്ടപ്പായ ലൂം 975 മില്യണ് ഡോളറിന് അറ്റ്ലാസിയന് വിറ്റത് 2023 – ലാണ്.
പുതിയ എന്തെങ്കിലും ചെയ്യാനായി യാത്രകള് നടത്തി. ഒറ്റയ്ക്കും കാമുകിക്കും ഒപ്പം. പക്ഷേ, രണ്ട് വര്ഷത്തെ പ്രണയം അവസാനിപ്പിച്ച് അവള് പോയി.ലൂം ഏറ്റെടുത്ത കമ്പനിയുടെ സിടിഒയായി പ്രവര്ത്തിക്കാന് 60 മില്യണ് ഡോളറായിരുന്നു വിനയ്ക്ക് മുന്നിലുണ്ടായിരുന്ന ഓഫര് പക്ഷേ, വിനയ് അത് നിരസിച്ചു.
താന് എലോണ് മസ്കിനെ പോലെയാകാന് ആഗ്രഹിക്കുന്നവെന്ന് അതിനിടെ താന് തിരിച്ചറിഞ്ഞെന്നും വിനയ് എഴുതി. സ്റ്റാര്ട്ടപ്പ് വിറ്റ ശേഷം രണ്ട് ആഴ്ചയോളം റോബോട്ടിക്സ് വിദഗ്ധരുമായി കൂടിക്കാഴ്ചയിലായിരുന്നു. പക്ഷേ, അത് തന്നിലൊരു എലോണ് മസ്ക് ഉണ്ടെന്ന തരിച്ചറിവിലെത്തിച്ചു. ് പിന്നാലെ ആ പദ്ധതിയും ഉപേക്ഷിച്ചു.
ഇന്ന് ഹവായിലാണ്. ഫിസിക് പഠിക്കുന്നു. എന്തിന് ? അത് ഞാന് സ്വയം ചോദിച്ച ചോദ്യമാണ്. എന്റെ ആദ്യത്തെ തത്ത്വങ്ങളുടെ അടിത്തറ കെട്ടിപ്പടുക്കുന്നതിന് വേണ്ടിയാണ് ആ പഠനം. അങ്ങനെയെങ്കില് എനിക്ക് യഥാര്ത്ഥ ലോകത്തിലെ കാര്യങ്ങള് നിര്മ്മിക്കുന്ന ഒരു കമ്പനി ആരംഭിക്കാന് കഴിയുമെന്ന് ശുഭാപ്തി വിശ്വാസം പ്രകടിപ്പിച്ച് കൊണ്ട് വിനയ് തന്റെ വ്ളാഗ് അവസാനിപ്പിക്കുന്നു. വിനയ് ഹിരേമത്തിന്റെ വ്ളാഗ് ഒറ്റ ദിവസം കൊണ്ട് 20,000 ത്തിലേറെ പേരാണ് വായിച്ചത്.
Discussion about this post