ഏത് പ്രായക്കാർക്കും കഴിക്കാൻ കഴിയുന്ന ഒരു ഭക്ഷണമാണ് ഓട്‌സ്. ശരീരഭാരം കുറയ്ക്കാൻ ആഗ്രഹിക്കുന്നവരും ഡയറ്റ് എടുക്കുന്നവരുമെല്ലാം ഓട്‌സ് കഴിക്കാറുണ്ട്. നാരുകൾ, വിറ്റാമിനുകൾ, ധാതുക്കൾ, ആന്റിഓക്സിഡന്റുകൾ എന്നിവ ധാരാളം അടങ്ങില ഒന്നാണ് ഓട്‌സ്. ശരീരഭാരം കുറയ്ക്കാൻ ഏറ്റവും മികച്ച ഒന്നാണ് ഇത്.
ഓട്സിന് നിരവധി ആരോഗ്യ ഗുണങ്ങളുണ്ട്. രക്തസമ്മർദ്ദവും പഞ്ചസാരയുടെ അളവും കുറയ്ക്കാൻ സഹായിക്കുന്ന ശക്തമായ ആന്റിഓക്സിഡന്റുകളായ അവെനൻത്രമൈഡുകളും ഓട്സിൽ ധാരാളം അടങ്ങിയിട്ടുണ്ട്. ഇത് ദഹനത്തിനും ഗുണം ചെയ്യും.
ബീറ്റാ-ഗ്ലൂക്കൻ ഫൈബറും ഓട്സിൽ അടങ്ങിയിട്ടുണ്ട്. ഇത് ദഹനത്തെ സഹായിക്കുന്നു. നാരുകൾ അടങ്ങിയ ഭക്ഷണം ക്രമമായ മലവിസർജ്ജനത്തെ പ്രോത്സാഹിപ്പിക്കുകയും മലബന്ധം ഒഴിവാക്കുകയും ചെയ്യുന്നു. ബീറ്റാ-ഗ്ലൂക്കൻ ഒരു ലയിക്കുന്ന നാരാണ്. ഇത് കുടലിൽ എളുപ്പത്തിൽ ലയിക്കുന്നു. ദഹനനാളത്തിൽ നല്ല ബാക്ടീരിയകൾ വളരുന്നതിന് ഇത് കുടൽ അന്തരീക്ഷത്തെ പ്രോത്സാഹിപ്പിക്കുകയും ദഹന സംബന്ധമായ പ്രശ്‌നങ്ങൾ കുറയ്ക്കാൻ സഹായിക്കുകയും ചെയ്യുന്നു.
ഓട്സിൽ കാണപ്പെടുന്ന പ്രധാന ആന്റിഓക്സിഡന്റ് അവെനൻത്രമൈഡുകൾ ആണ്. ആന്റി ഓക്സിഡന്റുകൾ ഹൃദയാരോഗ്യത്തെ പിന്തുണയ്ക്കുന്നു. പലതരത്തിലുള്ള ഹൃദ്‌രോഗങ്ങളെ ഇത് അകറ്റി നിർത്തുന്നു. ആന്റിഓക്സിഡന്റുകൾ നൈട്രിക് ഓക്‌സൈഡ് വാതകം വർദ്ധിപ്പിക്കുകയും ചെയ്യുന്നു. ഇത് രക്തക്കുഴലുകളുടെ വികാസത്തിന് സഹായിക്കുകയും സുഗമമായ രക്തയോട്ടം പ്രോത്സാഹിപ്പിക്കുകയും ഹൃദ്രോഗ സാധ്യത കുറയ്ക്കുകയും ചെയ്യുന്നു.
ടൈപ്പ് 2 പ്രമേഹമുള്ളവർക്ക് ഓട്‌സ് നല്ലതാണ്. ഇത് ശരീരത്തിലെ വർദ്ധിച്ച രക്തത്തിലെ പഞ്ചസാരയുടെ അളവ് കുറയ്ക്കുന്നു. ഇതിലെ ലയിക്കുന്ന ഫൈബർ ബീറ്റാ-ഗ്ലൂക്കൻ ആമാശയത്തിൽ കട്ടിയുള്ള ജെൽ രൂപപ്പെടുത്തുകയും ഭക്ഷണശേഷം ഗ്ലൂക്കോസ് ആഗിരണം ചെയ്യുന്നത് വൈകിപ്പിക്കുകയും ചെയ്യുന്നു. ഓട്‌സ് ഇൻസുലിൻ പ്രതിരോധം കുറയ്ക്കുകയും രക്തത്തിലെ ഗ്ലൂക്കോസിന്റെ അളവ് നിലനിർത്തുകയും ചെയ്യുന്നു.
Discussion about this post