പ്രേക്ഷകരുടെ പ്രിയ താരങ്ങളാണ് ദേവിക നമ്പ്യാരും വിജയ് മാധവും. തങ്ങളുടെ ജീവിതത്തിലെ വിശേഷങ്ങൾ എല്ലാം ഇരുവരും യൂട്യൂബ് ചാനലിലൂടെ പങ്കുവെയ്ക്കാറുണ്ട്. ഇപ്പോഴിതാ മൂന്നാം വിവാഹ വാര്‍ഷികം ആഘോഷമാക്കുകയാണ് ഇരുവരും.
കോവളത്താണ് ഇരുവരും ഇത്തവണത്തെ വിവാഹ വാർഷികം ആഘോഷിച്ചത്. ഇതിന്റെ വിശേഷങ്ങളും ഇരുവരും യൂട്യൂബ് ചാനലിലൂടെ പ്രേക്ഷകരോട് പങ്കുവച്ചിട്ടുണ്ട്. നേരത്തെയും കോവളത്തു പോവാന്‍ പ്ലാന്‍ ചെയ്തിരുന്നുവെന്ന് ദേവികയും വിജയ്യും പറയുന്നു. ഇതുവരെ നടന്നില്ല. ഇത്തവണ എന്തായാലും പോയിട്ടേ ഉള്ളൂ എന്ന തീരുമാനത്തിലായിരുന്നു എന്നും ഇരുവരും വ്ലോഗിൽ പറഞ്ഞു.
എന്ത് പരിപാടി വന്നാലും പറയും നമുക്ക് കോവളത്തു പോവാമെന്ന്. ആത്മജയെ ഇതുവരെ ബീച്ചില്‍ കൊണ്ടുപോയിട്ടില്ല. ആ വിഷമം കൂടിയാണ് ഇതോടെ മാറുന്നത്. മെറ്റേണിറ്റി ഫോട്ടോ ഷൂട്ടിന് ബീച്ചില്‍ പോയി എന്നല്ലാതെ ആള്‍ ഇതുവരെ കടല്‍ കണ്ടിട്ടില്ല. അച്ഛന്‍ ബീച്ച് ബോയ് ആണ്, മകന്‍ എങ്ങനെയായിരിക്കും എന്നാണ് ഇനി അറിയേണ്ടത്. ഞാന്‍ മൗണ്ടെയ്ന്‍ പേഴ്‌സണാണ്. മാഷ് ബീച്ചിന്റെ ആളും’- ദേവിക പറഞ്ഞു.
”ഇതുവരെ വിവാഹ വാര്‍ഷികം ആഘോഷിച്ചില്ലെന്ന വിഷമം ഇതോടെ മാറിക്കിട്ടി. ഇത്തവണ എനിക്ക് ദേവിക ഡയമണ്ട് റിംഗ് വാങ്ങിച്ച് തന്നു. ഡയമണ്ട് എന്നൊക്കെ പറയുമ്പോള്‍ റിച്ചാണല്ലോ, അത് അങ്ങനെയൊരു ആമ്പിയൻസിൽ തന്നെ സ്വീകരിക്കാമെന്ന് കരുതിയെന്ന് വിജയ് വ്ളോഗിൽ പറഞ്ഞു.
2022 ജനുവരിയിലാണ് ദേവികയും വിജയ് മാധവും വിവാഹിതരായത്. 2023 മാര്‍ച്ചില്‍ ആണ് ഇരുവര്‍ക്കും ആത്മജ ജനിച്ചത്. ഇരുവരുമിപ്പോൾ രണ്ടാമത്തെ കുഞ്ഞിനെ വരവേൽക്കാനുള്ള തയ്യാറെടുപ്പിലാണ്.
Discussion about this post