കൊച്ചി: യുവനടികളായ അൻസിബയെയും സരയുവിനെയും അനന്യയെയും അഭിനന്ദനങ്ങൾ കൊണ്ട് മൂടി കേന്ദ്രമന്ത്രിയും നടനുമായ സുരേഷ് ഗോപി. താര സംഘടനയായ അമ്മ തുടക്കം കുറിച്ച സഞ്ജീവിനി ജീവൻ രക്ഷാ പദ്ധതിയുടെ ഉദ്ഘാടനച്ചടങ്ങിൽ സംസാരിക്കുകയായിരുന്നു അദ്ദേഹം. അൻസിബയും അനന്യയും സരയുവും വളരെ മനോഹരമായിട്ടാണ് സംസാരിക്കുന്നതെന്നും രാഷ്ട്രീയക്കാരെക്കാളും മികച്ച രീതിയിൽ സ്ട്രക്ച്ചേർഡ് ആയിട്ടാണ് മൂന്ന് പേരും സംസാരിച്ചതെന്നും അദ്ദേഹം പറഞ്ഞു. നിലവിൽ അമ്മയുടെ അഡ്ഹോക്ക് കമ്മിറ്റിയിലെ അംഗളാണ് മൂന്ന് പേരും.
അമ്മ എന്ന സംഘടന മുന്നോട്ട് കൊണ്ടുപോകണം. മമ്മൂക്ക അടക്കമുള്ള ആൾക്കാരെ കൂടെ പുതുതായി ചേർക്കണമെങ്കിൽ അത്, ചെയ്യണം. ഒരുത്തനും ചോദ്യം ചെയ്യാത്തതരത്തിലുള്ള ശക്തമായ ഭരണനിര അത്യാവശ്യമാണ്. വീഴ്ചകൾ സംഭവിച്ചിട്ടില്ലാത്ത ഒരാളുമില്ലെന്ന് അദ്ദേഹം ചൂണ്ടിക്കാട്ടി.
അമ്മയ്ക്ക് പ്രത്യേകമായി ഒരു കൊടി വേണമെന്ന് താരം ആവശ്യപ്പെട്ടു. സ്വർണക്കൊടിയാണ് വേണ്ടത്. അതിൽ എണ്ണിത്തീരാൻ പറ്റാത്തത്ര വെള്ളി നക്ഷത്രങ്ങളും വേണം. അത്തരത്തിലായിരിക്കണം അതിന്റെ ഡിസൈൻ. ഈ ആഗ്രഹം താൻ മോഹൻലാലിനോടോ മമ്മൂട്ടിയോടോ പോലും പറഞ്ഞിട്ടില്ലെന്നും സുരേഷ് ഗോപി വെളിപ്പെടുത്തി.
Discussion about this post